Kakamakgtayaw tiku xalaksasti xlakata tliwakga nakgalhikgo xtakanajlakan

¡Lu lipaxuwayaw akxni akxilhaw la Jehová sikulunatlawanit taskujut! (Deut. 28:2.) Kata kata tamunukgo 250,000 latamanin. Akxni tiku tamunu, max tiku xmakgalhtawakge nialh katimakgalhtawakgelh xlakata tlan na nakamakgtaya amakgapitsin. O max tiku makgalhtawakgemaka nalimakgxtakga xlakata tlakg lichuwinamputun Dios. Pero lu xlakaskinka tliwakga nakgalhikgo xtakanajlakan tiku makgalhtawakgemaw. Talakaskin “katankgaxekglakgolh” xla Cristo chu “lakatanks natawilakgo kxtakanajlakan” (Col. 2:6, 7; 2 Tim. 3:12). Wa xlakata akxni tamununita, tiku kamakgalhtawakgemaka chuntiya nalikgalhtawakgakgo libro ¿Tuku xlikana masiyay Biblia? chu libro «Katamakgxtakgtit kxtapaxkit Dios» (kakxilhti La Natlawayaw xTaskujut Dios xla abril kata 2011, página 2).