Kalimaklakaskintit, ni kamakgstokgwilitit

Lhuwa congregaciones makgstokgwilikgonit makgapitsi likgalhtawakga nema lhuwata kata katlawakanit. Kkawaniyan pi tlan naskina makgapitsi xlakata mila nawankgo. Xlikana, max wix likgalhtawakganitata tuku wankgo komo kgalhiya Watchtower Library. Pero maski chuna, makgtayanan akxni kgalhikan likgalhtawakga kchiki. Nachuna, ¿wi chatum tiku limakgalhtawakgepat Biblia tiku tlan stakma xtakanajla? Tlan xwani pi kskilh umakgolh likgalhtawakga xlakata nakakgalhi kxchik. Nachuna, tiku liyawakanit tamakxtumit Niku Masiyakan la Lichuwinankan Dios liwana xlikatsit pi biblioteca kPukgalhtawakga xla xTatayananin Jehová nakgalhi likgalhtawakga nema makgasa katlawakanit. Umakgolh likgalhtawakga chuntiya xlakaskinka. Tlakg tlan nawan komo nalimaklakaskina chu ni kajwatiya nakamakikan kcongregación.