Revistas nema tlan nakamaxkikan putum latamanin
1. ¿La tlawa skujni xatalipaw chu xaskgalala chuna la xtlawa apóstol Pablo?
1 Xtachuna la apóstol Pablo tanu tanu la xkalitachuwinan xalakwan xalaksasti latamanin «kaxati kawaj xtiwaj», skujni xatalipaw chu xaskgalala limaklakaskin revistas xlakata latamanin tiku tanu tanu la lakpuwankgo tlan nakatsinikgo xlakata Dios (1 Cor. 9:22, 23). Xlakata tlan nalimaklakaskinaw revistas Makatsinina chu ¡Despertad!, talakaskin nalakapastakaw tiku xpalakata tlawaka.
2. ¿Tuku xpalakata tlawaka revista ¡Despertad!?
2 ¡Despertad! Tlawaka xpalakata latamanin tiku xtachuna la «xala kʼAtenas» tiku apóstol Pablo kalitachuwinalh Dios (Hech. 17:22). Umakgolh lakchixkuwin ni kstalaninanin Cristo xwankgonit chu ni xkatsikgo tuku xwan xTachuwin Dios. Nachuna, ¡Despertad! tlawaka xlakata nakamakgtaya latamanin tiku ni katsikgo tuku wan Biblia. Wa latamanin tiku nitu katsikgo xlakata Cristo, ni kanajlakgo tuku lichuwinankan ktakanajla o ni katsikgo pi Biblia makgtayanan. Tlawaka uma revista xlakata tiku nalikgalhtawakgakgo nakanajlakgo pi wi chatum xaxlikana Dios. Nachuna, lakaskin pi nakanajlakan tuku wan Biblia chu limasiyaputun pi xtatayananin Jehová ni xtachuna la amakgapitsi takanajla.
3. ¿Tuku xlakata tlawakanit revista Makatsinina?
3 Makatsinina. Artículos nema tlan namaklakaskinaw akxni anaw lichuwinanaw Dios, katlawanika latamanin tiku kanajlanikgo Dios chu xTachuwin, xtachuna la latamanin tiku apóstol Pablo kawanilh: «Wixin wanti lakgatakilhputayatit Dios» (Hech. 13:14–16). Wa tiku katsikgoya makgapitsi tuku lichuwinan Biblia, pero ni liwana akgatekgskgo, o tamakgachakgxi. Nachuna uma revista limin artículos nema likgalhtawakgakgo xtatayananin Jehová kxtamakxtumitkan. Pablo xkatsi pi tiku xlikgalhtawakgakgo xcartas xkatsikgo tuku xwan xTachuwin Dios chu xkatsikgo tuku xaxlikana (1 Cor. 1:1, 2). Nachuna, artículos nema likgalhtawakgayaw ktamakxtumit katlawakanit xlakata nalikgalhtawakgakgo tiku ankgoya ktamakxtumit chu katsikgoya makgapitsi tachuwin nema takilhtinit kBiblia.
4. ¿Tuku xlakata liwana nalikgalhtawakgayaw makatunu revista nema maklakaskinaw akxni lichuwinanaw Dios?
4 Maski mastayaw maktiy revista akxni lichuwinanaw Dios, kaj maktum tlakg kalitachuwinanaw. Wa xlakata liwana kalikgalhtawakgaw makatunu revistas. Komo chuna natlawayaw tlakg tlan nakalitachuwinanaw latamanin nema nalakgatikgo.