¿Tlan tasiyakgo?

Tlan xkinkatlawanikan uma takgalhskinin akxni nina mastayaw likgalhtawakga akxni lichuwinanaw Dios. Likgalhtawakga nema ni kuenta tlawakanit, nema nialh kgalhi color o taxtitnit tlawa pi nialh kuenta natlawakgo xatlan tamakatsinin xla talakgmaxtut chu nitlan katilichuwinanka xkachikin Jehová.

¿La tlan nakakuentajtlawayaw kilikgalhtawakgakan? Lhuwa tlan kakitaxtuninit liwana namakikgo kxportafoliojkan. Akgtum liʼakxilhtit, lakatum makikgo libros, apulaktu revistas chu folletos, chu alakatunu tratados. Akxni limaklakaskinita Biblia chu atanu likgalhtawakga kuenta tlawa xlakata ni kalawa natlawa akxni namuju kxportafolio. Makgapitsi natalan makikgo kʼakgtum carpeta o bolsa. Maski tanu tanu la natlawayaw tuku tlakg xlakaskinka wa pi akxni namakgpitsiyaw likgalhtawakga tlan natasiya xlakata tlan nalichuwinankan kintaskujutkan (2 Cor. 6:3).