Niku Tamasta Xtakgalhtin Akgtum Takgalhskinin

◼ ¿Tiku nakamaxkiyaw likgalhtawakga?

Putum tiku xlikana katsiputun. Komo naʼakxilhaw pi tiku tachuwinamaw lakgati tuku kgaxmatma, tlan namakgaxtakgniyaw revista Makatsinina chu ¡Despertad!, maktum folleto, maktum libro o atanu likgalhtawakga, maski naʼakxilhaw pi tiku tachuwinamaw namasta o nitu namasta tumin xlakata xtaskujut Dios (Job 34:19; Apo. 22:17). Pero, ni katimaxkiw likgalhtawakga tiku tasiya pi ni xlakaskinka akxilha (Mat. 7:6).

¿Chu la nakatsiyaw pi tiku tachuwinamaw lakgati tuku kgaxmatma? Pulaktum la nakatsiyaw wa komo kuenta tlawa tuku wanimaw chu komo kinkatakgalhchuwinamputunan. ¿Kgalhtinan akxni kgalhskinaw? ¿Kinkawaniyan tuku lakpuwan? Komo stalani texto nema likgalhtawakganimaw limasiya pi xlakaskinka akxilha xTachuwin Dios. Lakgachunin, tlan nakgalhskinaw komo nalikgalhtawakga likgalhtawakga. Liwana kililakapastakatkan xlakata nakatsiyaw komo latamanin xlikana katsiputunkgo. Wa xlakata akxni nalichuwinanaw Dios ktiji, ni katimaxkiw likgalhtawakga putum tiku nakatatanokglhaw. Komo ni liwana katsiyaw pi tiku tachuwinamaw nakatsiputun xlakata Dios tlakg tlan nawan namaxkiyaw maktum tratado o maktum kapsnat.

Nachuna, tuku nalikatsiyaw la maklit natiyayaw likgalhtawakga niku tamakxtumiyaw wa la maklit maklakaskinaw akxni lichuwinanaw Dios chu ni wa la xlilhuwa mastayaw tumin. Akxni mastayaw tumin ni kajwatiya lixokgoyaw likgalhtawakga; wa limastayaw xlakata nalimakgtayananaw putum taskujut nema tatlawama xlikalanka katiyatni. Xlakata paxtikatsiniyaw, uma xlitlawat pi tlakg chu xatapaxuwan namastayaw xlakata nalimakgtayananaw kxtaskujut Dios, maski akinin ni lhuwa tuku kgalhiyaw (Mar. 12:41-44; 2 Cor. 9:7). Nachuna, kajwatiya natiyayaw tuku namaklakaskinaw akxni naʼanaw lichuwinanaw Dios chu chuna ni kaj nalaktlawamiyaw tuku kinkamaxkiyan xkachikin.

[Tuku wan página 2]

Liwana kililakapastakatkan xlakata nakatsiyaw komo latamanin xlikana katsiputunkgo