La tlan nawanaw akxni nalichuwinanaw Dios

La tlan nawanaw akxni natsukuyaw limakgalhtawakgananaw xapulana sábado xla enero

«Makgapitsi latamanin lakpuwankgo pi namin kilhtamaku akxni Dios namalakgsputu katiyatni chu putum tuku anan. Lhuwa latamanin tiku kanajlanikgo Dios lakpuwankgo pi Katiyatni namalakgsputukan. ¿Tuku lakpuwana wix xlakata uma? [Kamaxki talakaskin nakgalhtinan.] Nakmasiyaniyan tuku wan Biblia kSalmo 37:29.» Kamasiyani libro ¿Tuku xlikana masiyay Biblia? Chu katalikgalhtawakga recuadro xla página 35 chu kalitachuwinanti tasikulunalin nema lichuwinankgo párrafos 17 asta 23 kamalaknuni libro chu katalakkaxla nataspitparaya atanu kilhtamaku xlakata tlan naʼakxilhatit atanu tasikulunalin nema lichuwinankgo uma párrafos.

Makatsinina 1 xla enero

«¿Tuku xlakata lakpuwana pi la uku anan lhuwa tuku masputunan? [Kamaxki talakaskin nakgalhtinan.] Biblia xlichuwinanit pi kʼuma kilhtamaku xʼama anan lhuwa tuku masputunan [kalikgalhtawakga Mateo 24:7, 8]. Kʼuma revista kgalhtinan akgtutu takgalhskinin: ¿tuku xlakata anan lhuwa tuku masputunan?; ¿wa Dios tiku chuna tlawa? chu ¿tuku likatsiyaw pi Dios nialh makgas namasputu tuku nitlan?»

¡Despertad! Enero

«Takgalhan, naxokgokan xlakata nitu nawankan chu akgskgawinankan uma lu lanka taʼakglhuwit kitaxtunit akxni tlawakan negocios. Lhuwa latamanin lakpuwankgo pi komo ni naʼakgskgawinankgo ni lhuwa katikgalhikgolh. ¿Chu wix tuku lakpuwana? [Kamaxki talakaskin nakgalhtinan.] Kaʼakxilhti pi xlikana tuku wan uma texto [kalikgalhtawakga Proverbios 20:17]. Xlakata uma, lataman tiku akgskgawinan xakstu tlawanimaka tuku nitlan. Uma revista kinkawaniyan la tlan kitaxtu akxni akinin ni akgskgawinanaw.»