La tlan nawanaw akxni nalichuwinanaw Dios
La tlan natsukuyaw kamakgalhtawakgayaw latamanin kxapulana sábado xla julio
Kalikgalhtawakga Isaías 42:8 chu kawani: «Chuna la wan uma texto, Dios kgalhi xtukuwani. ¿Wix lakpuwana pi xlakaskinka namaklakaskinaw xtukuwani Dios? [Kamaxki talakaskin nakgalhtinan.] Kaʼakxilhti tuku wan uma revista». Kamasiyani revista Makatsinina xla julio-septiembre chu kalitachuwinanti xapulana subtítulo xla página 18. Kamaxki revista chu kawani pi nataspitparaya xlakata naʼakxilhparayatit atanu takgalhskinin.
Makatsinina Julio-septiembre
«Ktlawaniputunan akgtum takgalhskinin nema lu xlakaskinka [kamasiyani tiku tachuwinampat lista nema limin kpágina 3]. ¿Tukuya talakapastakni xtachuna tuku lakpuwana nema wi kBiblia? [Kamaxki talakaskin nakgalhtinan.] Kaʼakxilhti tuku wan Biblia [kalikgalhtawakga Romanos 15:4]. Uma revista lichuwinan pulakkitsis tuku xlakata Biblia nitu anan atanu tuku xtachuna chu kinkawaniyan la nakinkamakgtayayan.»
¡Despertad! Julio
«¿Tuku xlakgpali kkakilhtamaku komo wix tlan chuna xtlawa?» [Kamaxki talakaskin nakgalhtinan.] Biblia masiya tuku xlakata chixku nila tlawa putum tuku lakpuwan maski lu fuerza natlawaputun [kalikgalhtawakga Jeremías 10:23.] Uma revista kinkawaniyan tuku lakpuwanit Dios nalakgpali.»