La tlan nawanaw akxni nalichuwinanaw Dios
La tlan nawanaw akxni natsukuyaw limakgalhtawakgananaw xapulana sábado xla julio
«Putum latamanin lakaskinkgo makgas xlatamakgolh chu xatapaxuwan. Tuku lakpuwana: ¿lakpuwana pi makuchinanin chu likuchun xala uku nakinkamaxkikgoyan latamat nema ni kgalhi xlisputni?» Akxni nachuwinankgo tiku tachuwinampat, kamasiyani artículo nema wi xaʼawatiya página xla Makatsinina 1 xla julio chu katalikgalhtawakga maski kaj akgtum texto. Kamaxki revista chu kawani pi napimparaya xlakata nakgalhtiya atanu takgalhskinin xla uma página.
Nota: Uma tuku namasiyakan anta natamasta akxni naʼanaw lichuwinanaw Dios 6 xla julio.
Makatsinina 1 xla julio
«Lhuwa latamanin tiku ktachuwinankgoyaw kgalhikgo xtakanajlakan. Pero makgapitsin kinkawanikgoyan pi nialh lipawankgo takanajla. ¿Tuku lakpuwana xlakata uma? [Kamaxki talakaskin nakgalhtinan.] Jesús kinkawanin la nakatsiyaw pi komo akgtum takanajla tlan o nitlan [kalikgalhtawakga Lucas 6:44a]. Uma revista lichuwinan tawakat o tayat nema lu laklixkajnit kgalhikgo takanajla chu kgalhti uma takgalhskinin: “¿Wi akgtum takanajla nema tlan nalipawankan?”.»
¡Despertad! Julio
«Kkalakgapaxiʼalhnamaw kintalakatsukan xlakata nakkalitachuwinanaw akgtum taʼakglhuwit nema lu lilakgaputsakgo latamanin: tiku lakatsalakgo limapakgsin. Makgapitsi latamanin taxtukgo ktiji xlakata nialh lakaskinkgo pi kaʼanankgolh tiku lakatsalakgo limapakgsin. ¿Lakpuwana wix pi wi tuku lakgpalikgo akxni chuna tlawakgo? [Kamaxki talakaskin nakgalhtinan.] Biblia kinkawaniyan la natalakkaxtlawa uma taʼakglhuwit [kalikgalhtawakga Mateo 6:9, 10]. Kʼuma revista natekgsa xtakgalhtin uma takgalhskinin “¿Lakkaxtlawa takglhuwit tuku tlawakgo latamanin?”.»
Lakwan tamakatsin masta Dios
«La uku kliminaw akgtum tamakatsinin xalak Biblia nema lu tlan. Lhuwa latamanin kakgalhskinkan tuku xlakata chatum xapaxkina Dios masta talakaskin kaʼanalh tapatin. ¿Lakpuwana wix pi kinkamalakatsukin xlakata kaj napatinanaw?» Kamaxki talakaskin nakgalhtinan chu alistalh kaputsa lección 5. Kalikgalhtawakgani chu katalichuwinanti párrafo 1 chu 2 chu textos xalak Biblia nema wi xacursivas. Kamakgxtakgni folleto chu kawani pi nataspita atanu kilhtamaku xlakata naʼakxilhatit xliʼakgtiy takgalhskinin nema xatsitsakga litatsokgnit.