Kisitiojkan oficial kʼInternet: kinkamakgtayayan akxni kiʼakstukan kgalhtawakgayaw chu kfamilia
Kalikgalhtawakga kʼInternet tlakg xalaksasti revistas. Ksitio natekgsa revistas Makatsinina chu ¡Despertad! akxni nina chan kmincongregación. Nachuna natekgsa grabación xaʼaudio, nema wi xaʼespañol chu kmakgapitsi tachuwin. (Katanu niku wan «Likgalhtawakga/Revistas».)
Kaʼakxilhti artículos nema kaj kʼInternet wilakgolh. Makgapitsi artículos kajwatiya nakawilikan kkisitiojkan kʼInternet. Anta nawilikan «El rincón del joven», «Mis primeras lecciones de la Biblia», «Actividades para la familia» chu «Los jóvenes preguntan». Kalikgalhtawakga uma artículos akxni miʼakstu nakgalhtawakgaya chu akxni nakakninaniya Dios kfamilia. La uku kaj xaʼespañol wi chu kmakgapitsi tachuwin. (Katanu niku wan «Enseñanzas bíblicas/Niños» o «Enseñanzas bíblicas/Jóvenes».)
Kakatsi xaʼawatiya tamakatsinin. Kalitamakgtaya lu xatlan tamakatsinin chu tuku titaxtukgonit amakgapitsin, chu kaʼakxilhti videos nema masiya la taliwakama xtaskujut Dios klhuwa kachikinin. Akxni wi tuku masputunan o akxni kaputsastalanimaka xtatayananin Jehová, uma namakgtayayan xlakata nakapalakaskina kmiʼoración (Sant. 5:16). La uku kaj xaʼespañol wi chu kmakgapitsi tachuwin. (Katanu niku wan «Noticias».)
Kamaklakaskinti Biblioteca kʼInternet. Komo anan biblioteca kmintachuwin, kamaklakaskinti xlakata nalikgalhtawakgaya Texto nema Nalikgalhtawakgayaw chali chali o wi tuku naputsaya kxalaksasti likgalhtawakga kmincomputadora o atanu. (Katanu niku wan «Likgalhtawakga/Biblioteca kʼInternet» o katsokgti dirección www.wol.jw.org/es.)
[Dibujo xla página 4]
(Xlakata nakatsiya la tasiya kaʼakxilhti likgalhtawakga)
Kalitsakgsa
1 Komo napitaniya kdibujo o kvínculo, natalaki kPDF. Kaimprimirli chu kakatatlawa minkamanan tuku wan anta.
2 Kapitani niku wi akgtum video xlakata tlan naʼakxilha.