Kisitiojkan oficial kʼInternet: kinkamakgtayayan akxni lichuwinanaw Dios

Kakawani amakgapitsin katanukgolh ksitio. Makgapitsi latamanin max ni kinkatachuwinanputunkgoyan o ni makglhtinamputunkgo likgalhtawakga. Pero max putsaputunkgo anta jw.org xlakata xtatayananin Jehová kxchikkan. Wa xlakata, kakawani katanukgolh kkinpáginajkan.

Kamaklakaskinti xlakata nalikgalhtinana. Akxni wi tiku litachuwinana Dios, tiku katsiputun tuku wan Biblia, o tiku lakgapasa nakgalhskinan xlakata xtatayananin Jehová, kamasiyani tuku wi ksitio kmincomputadora o atanu. Xlikana, tlakg tlan komo nalikgalhtawakganiya kBiblia. Komo uma kilhtamaku ni kgalhiya Internet, kawani la tlan natekgsa xtakgalhtin anta jw.org. La uku kaj xaʼespañol wi chu kmakgapitsi tachuwin. (Katanu niku wan «Enseñanzas bíblicas/Preguntas sobre la Biblia» o «Sobre nosotros/Preguntas frecuentes».)

Kamalakgachani akgtum artículo o akgtum likgalhtawakga chatum tiku lakgapasa. Kʼakgtum correo, tlan namalakgachaya archivos PDF o EPUB nema maktinita ksitio. Na tlan namaktiya xaʼaudio akgtum likgalhtawakga chu nagrabarliya kʼakgtum CD. Libros, revistas chu folletos nema nakamaktiya kʼInternet chu nakamaxkiya tiku nina tamunukgonit tlan nataputlakgeya akxni namastaya miʼinforme pero komo xatakgatsin likgalhtawakga namaxkiya. Pero, ni chalhuwa nakamalakgachaniputuna kʼakgtum correo, ankgalhin nawiliya mintukuwani chu na ni nawiliya kʼatanu página xla Internet. (Katanu niku wan «Likgalhtawakga».)

Kakamasiyani xaʼawatiya tamakatsin. Uma nakamakgtaya tiku kamakgalhtawakgepat chu mirevisitas xlakata naʼakxilhkgo la talichuwinama Dios kxlikalanka katiyatni chu xlakata lanka xtapalh naʼakxilhkgo pi makxtum wilaw (Sal. 133:1). La uku kaj xaʼespañol wi chu kmakgapitsi tachuwin. (Katanu niku wan «Noticias».)

[Dibujo xla página 5]

(Xlakata nakatsiya la tasiya kaʼakxilhti likgalhtawakga)

Kalitsakgsa

1 Niku wan «Likgalhtawakga» kalaksakti komo maktiputuna xaʼaudio o kPDF.

2 Akxni napitaniya niku wan «MP3» natasiya makgapitsi likgalhtawakga. Komo maktiputuna, kapitani niku wi xtítulo o komo kaj kgaxpatputuna kapitani niku wi uma símbolo .

3 Komo maktiputuna akgtum likgalhtawakga kʼatanu tachuwin, kaputsa kʼuma lista.