Tlakg kakatsini la nalichuwinana Dios: liwana kalakkaxwili tuku nalichuwinana
Tuku xlakata xlakaskinka. Komo ni liwana lakkaxwilinitaw tuku nawanaw max lataman tiku tachuwinamaw ni kuenta katitlawalh tuku wanimaw. Wa xlakata natalan wankgo pi tachuwin nema nalimatsukiyaw lu xlakaskinka. Maski La Natlawayaw xTaskujut Dios chu libro Razonamiento kinkawaniyan la tlan nakatachuwinanaw latamanin, pero ni xatakgatsin kinkawaniyan tuku nawanaw, chu ni kinkamaxkiyan talakaskin tuku akinin wamputunaw. Chu maski xkinkamaxkin talakaskin, tiku lichuwinankgo Dios tlan nalakgpalikgo o namaklakaskinkgo tuku lakkaxwilikgonit. Tlakg tlan nakinkakitaxtuniyan komo liwana nalakaxwiliyaw tachuwin nema nalimatsukiyaw chu ni nawanaw tuku kaj lakapala namin kkintapuwankan akxni tiku tachuwinanaw (Prov. 15:28).
Chuna kalitsakgsa putum papaʼ:
Akxni nakakninaniya Dios kfamilia kalimaxtu kilhtamaku xlakata nalakkaxtlawaya tuku nawan akxni napina lichuwinana Dios chu kalitsakgsa.
Akxni lichuwinampat Dios kawani tiku tapina tuku lakkaxwilinita (Prov. 27:17). Komo na akxilha pi ni kgaxmatkgo, kalakgpali.