La tlan nawanaw akxni nalichuwinanaw Dios

¿Niku natekgsa xtakgalhtin xalaktuwa takgalhskinin xla latamat?

Pulana katachuwinanti lataman chu kamasiyani tratado xlakata naʼakxilha xtítulo, chu kawani: «Kmastamaw uma tratado xlikalanka kkatiyatni nema limin lu xlakaskinka tamakatsinin. Uma mila».

Komo namakgxtakga tratados kchiki niku nitu xwilaka, anta kawili niku ni naʼakxilhkgo tiku anta tlawankgo chu ni lu kalakgkgapsti.

Komo tiku tachuwinampat limasiya pi lakgati tratado chu tlakg lichuwinamputun xlakata uma, tlan nakgalhskina tuku lakpuwan xlakata takgalhskinin nema min kxmakni tratado. Kamalakgaki tratado chu kamasiyani tuku wan Salmo 119:144, 160. Kawani pi tratado limin akgtum sitio xla Internet niku tlan natekgsa xtakgalhtin nema masta Biblia. Komo tiku tachuwinampat kgalhi kilhtamaku, max tlan nawiliniya akgtum video ¿Tuku xlakata nalikgalhtawakgaya Biblia? Akxni makgalhsputupat takgalhchuwin, kamasiyani akgtutu takgalhskinin nema min kxaʼawatiya página xla tratado, chu kakgalhskinti tuku takgalhskinin tlakg katsiputun. Kawani pi nataspitparaya xlakata nawaniya xatakgalhtin nema masta Biblia chu namaklakaskina jw.org. Akxni nataspitparaya naputsaya niku wan ENSEÑANZAS BÍBLICAS> PREGUNTAS SOBRE LA BIBLIA.

Makatsinina 1 xla agosto

Sábado chu domingo, tlan nawana akxni namastaya revista Makatsinina: «Na kmaxkiyan uma revistas xla uma papaʼ. Uma revista Makatsinina kgalhtiy uma takgalhskinin: “¿Lilakgaputsayan Dios?”».

¡Despertad! Agosto

Sábado chu domingo tlan nawana akxni namastaya revista ¡Despertad!: «Na kmaxkiyan uma revista xla uma papaʼ. Uma revista ¡Despertad! kgalhti takgalhskinin: “La natlawayaw xlakata tlan nakatalalinaw amakgapitsi”».