Putum kilhtamaku kalimaklakaskinti
1. Xlakata tratado ¿Katsiputuna tuku xaxlikana? makgtayanan, ¿la tlan nalimaklakaskinaw?
1 Tratado ¿Katsiputuna tuku xaxlikana? tlawakanit xlakata nakinkamakgtayayan namatsukiyaw makgalhtawakgananaw, pero na kinkamakgtayayan xlakata nakalitachuwinanaw amakgapitsin tuku xaxlikana (Ecl. 11:6). Unu wilakgo makgapitsi tastakyaw xlakata la nalimaklakaskinaw uma likgalhtawakga.
2. ¿La tlan nalimaklakaskinaw tratado xlakata nalimatsukiyaw akgtum takgalhchuwin?
2 Xlakata nalimatsukiya akgtum takgalhchuwin. Tlan namaxkiya tratado tiku tachuwinampat, namasiyaniya akgchaxan takgalhskinin nema wi kxapulana página chu nakgalhskina: «¿Tukuya takgalhskinin miakstu tlawanikanita?». Akxni kgaxpatnitata tuku nawaniyan, kalimaklakaskinti tratado xlakata nalikgalhtiya xtakgalhskinin chu kalikgalhtawakga textos xalak Biblia nema tatsokgtawilanit ktratado. Alistalh kalikgalhtawakgani o kaj tsinu kalitachuwinanti tuku wan xaʼawatiya página chu kamalaknuni libro ¿Tuku xlikana masiyay Biblia? Maski ni namakglhtiyan libro, kgalhiya tratado chu uma tlan natlawa pi xaxlikana nalaktanu kxnaku (Mat 13:23).
3. ¿Tuku tlan natlawayaw komo tiku tachuwinamputunaw ni limakgwani?
3 Komo ni limakgwani tiku tachuwinamputuna. Tlan nawana: «Kʼakxilha pi ni limakgwaniyan, nakmaxkiyan uma tratado. Uma tratado limin akgchaxan takgalhskinin nema kiakstukan kinkatlawanikanitan chu kalikgalhti Biblia. Akxni naktachuwinamparayan tlan nakiwaniya tuku lakpuwana xlakata tuku wan uma tratado».
4. ¿Tuku tlan nawanaw akxni namalaknuyaw tratado ktiji?
4 Akxni lichuwinana Dios ktiji. Tlan nawana: «Tlen. ¿Minit kilhtamaku tlawanikanita uma takgalhskinin? [Kamaxki talakaskin nakgalhtinan.] Uma tratado liwana kinkamasiyaniyan takgalhtin nema masta Biblia xlakata uma takgalhskinin». Komo tiku tachuwinampat ni lakapalama, max tlan nalitachuwinana xtakgalhtin takgalhskinin nema limin tratado chu asta tlan namalaknuniya libro ¿Tuku xlikana masiyay Biblia?
5. ¿La tlan namin kilhtamaku nalimaklaskina tratado akxni niti namanokglhuya kchiki?
5 Akxni niti wi kchiki. Makgapitsi niku lichuwinankan Dios, makgxtakgkan likgalhtawakga akxni niti wi kchiki. Komo chuna tlawakan kmincongregación, namin kilhtamaku tlan namakgxtakga tratado ¿Katsiputuna tuku xaxlikana? Akxni nalakgpimparaya, tlan nawaniya: «Akxni kkichiw ni kkamanokglhun wa xlakata kkamakgxtakgnin maktum tratado. ¿Tukuya takgalhskinin xlakgati xputsaw xtakgalhtin?».
6. ¿Tuku xlakata tratado ¿Katsiputuna tuku xaxlikana?, akgtum lu tlan tamakgtay?
6 Tratado ¿Katsiputuna tuku xaxlikana? ni tuwa la masiya tuku lichuwinan Biblia chu liwana la kinkamasiyaniyan. Putum latamanin maski tanu xtakanajlakan chu tanu tanu xkachikinkan lakgatikgo tratado. Ni tuwa la mastakan, asta tiku kajku lakgkgawasan chu tiku aku tsukumakgo lichuwinankgo Dios tlan namastakgo. ¿Putum kilhtamaku limaklakaskimpat uma tratado?