La tlan nawanaw akxni nalichuwinanaw Dios
La tlan nawanaw akxni natsukuyaw limakgalhtawakgananaw xapulana sábado xla septiembre
«Lhuwa latamanin kanajlakgo pi lamakgolh ángeles. ¿Chu wix na kanajlaya? [Kamaxki talakaskin nakgalhtinan.] Ángeles espíritus chu lu lakgtliwakgan, ¿lakpuwana pi tlan nakinkamakgtayakgoyan? Biblia kinkawaniyan la tlawakgo.» Alistalh kamasiyani xaʼawatiya página nema limin revista Makatsinina 1 xla septiembre chu katalikgalhtawakga xapulana takgalhskinin chu kamasiyani maski kaj akgtum texto. Kamaxki revista chu kawani pi napimparaya xlakata nakgalhtiya atanu takgalhskinin xla uma página.
Makatsinina 1 xla septiembre
«¿Lakpuwana pi tlan nalakkaxtlawakan tuku nitlan tlawanima chixku katiyatni? [Kamaxki talakaskin nakgalhtinan.] Maski latamanin nila lakkaxtlawakgo tuku nitlan tlawakgonit, Biblia kinkawaniyan pi Dios tlan lakkaxtlawa chu chuna tlawaputun. Chuna kinkawaniyan Salmo 65:9 [kalikgalhtawakga]. Uma revista Makatsinina lichuwinan la nakuentajtlawa katiyatni chu tuku tlan natlawayaw xlakata nakgalhiyaw ama tasikulunalin nema aku mima. Kmakgxtakgniputunan xlakata nalikgalhtawakgaya.»
¡Despertad! Septiembre
«Lhuwa latamanin makgkatsikgo pi lhuwa xliskujatkan chu ni katsikgo la natlawakgo xlakata nialh lhuwa taskujut xkgalhikgolh. Makuchinanin wankgo pi tiku ni jaxa chu lhuwa skuja uma tlawa pi natatatla. ¿Tuku nakinkamakgtayayan ni namalakatsaliyaw la skujaw? [Kamaxki talakaskin nakgalhtinan.] Uma versículo kinkamakgtayayan xlakata nalakpuwanaw [kalikgalhtawakga Eclesiastés 4:6]. Uma revista pulaktati kinkawaniyan xlakata pulana natlawayaw tuku tlakg xlakaskinka chu la natlawayaw xlakata natayaniyaw.»