Tlakg kakatsini la nalichuwinana Dios: Kawani tachuwin nema natlawa pi nataspitparaya

Tuku xlakata xlakaskinka: Akxni tekgsaw chatum lataman tiku lakgati kgaxmata tuku litachuwinamaw, akinin tlan nataspitaw akxni wi nawan kxchik, chu natlawayaw pi tlakg nalakgati tuku litachunimaw (1 Cor. 3:6). Uma wamputun xlakata akxni nina anaw, talakaskin nawaniyaw tuku natlawa pi nalakgamparayaw chu nakgalhskinaw tuku kilhtamaku tlan nataspitaw. Lu xlakaskinka namakgxtakgaw akgtum takgalhskinin nema nalitakgalhchuwinanaw akxni nalakgamparayaw. Uma nalikatsi pi nataspitparayaw chu komo takgalhskinin nema makgxtakgwi anta wi krevista max natlawa pi nalikgalhtawakga. Kawani tiku tachuwinampat tuku natlawa pi nataspitparaya chu lu ni tuwa nalakgamparayaw xlakata katsiya tuku nalitachuwinana. Akxni nalakgamparayaw tlan nalitachuwinanaw takgalhskinin tuku xmakgxtakgninitaw.

La natlawayaw:

Liwana kalakkaxwiliw tuku nawanaw akxni naʼanaw kʼakgatunu chiki, katlawani akgtum takgalhskinin nema tlan nakgalhtiya alimakgtum. Natlawaniya akgtum takgalhskinin nema limin revista nema natamasta uma papaʼ, o nachuna tlan natlawaniya atanu takgalhskinin xla atanu revista, xlakata tlan nalakgtaspitparaya.
Akxni natachuwinankgoya tiku liwana kgaxmatnin, kawani komo xlakgatilh xlitachuwinampara atanu takgalhskinin. Makgapitsi latamanin ni kgalhikgo kilhtamaku xlakata nakalakgapamparayaw. Max tlan nawaniya: «¿Tuku kilhtamaku tlan xaklakgapaxialhnan kminchik? [Kamaxki talakaskin nakgalhtinan]. Naktitaxtu semana nema aku mima xlakata nakgalhtiyaw uma takgalhskinin... Komo ni kgalhiya kilhtamaku akxni nakmin, ni kalilakgaputsa».
Komo wix wani tiku tachuwinanti pi nataspitparaya kawani tuku hora (Mat. 5:37). Komo chuna, kamakgxtakgni atanu takgalhskinin tuku natlawa pi nataspitparaya.

Chuna kalitsakgsa putum papaʼ:

Akxni lakkaxwilipat tuku nawana akxni nalichuwinana Dios, na kalakpuwanti tuku takgalhskinin namakgxtakgniya nema nakgalhtiya alimakgtum. Kawani tiku tapina tuku lakkaxwilinitata.