KILATAMATKAN LA KSTALANINANIN CRISTO
Tlakg kakatsini la nalichuwinana Dios: Kakalakgtaspitpara
TUKU XLAKATA LU XLAKASKINKA: Lhuwa latamanin tiku kgaxmatkgo tamakatsin xla Tamapakgsin putsamakgo xaxlikana xlakata Dios (Is 55:6). Xlakata tlan nakatsinikgo tuku kamasiyaniyaw, ankgalhin nakalakgantilhayaw. Latamanin lhuwa tuku tuwa titaxtumakgo, wa xlakata tanu tanu la nakamasiyaniyaw xlakata nalakgatikgo xTachuwin Dios. Pero tlakg tlan nakinkakitaxtuniyan komo liwana nalakkaxwiliyaw tuku nakamasiyaniyaw xlakata tlan namatsukiyaw akgtum takgalhtawakga xalak Biblia.
LA NATLAWAYAW:
Kaliskujti xlakata ni makgas nataspita, max ni lhuwa kilhtamaku alistalh (Mt 13:19).
Tlan kalikatsi chu kamaxki kakni. Kalitsinti.
Xatapaxuwan kapakgachipa. Kamaklakaskinti xtukuwani. Kamalakapastaka tuku xlakata taspitnita, max xlakata nakgalhtiya akgtum takgalhskinin, lipinipat xasasti revista, masiyaniputuna kisitiojkan xla Internet, akgtum video o masiyaniputuna la likgalhtawakgakan Biblia. Kalakgpali tuku lakkaxwilinita komo tiku tachuwinampat atanu tuku katsiputun (Flp 2:4).
Kamaklakaskinti akgtum talakapastakni xalak Biblia o kamakgxtakgni maktum likgalhtawakga xlakata namunuwiliya talhtsi nema tachanit kxnaku (1Co 3:6). Tlan katalalipi.
Kamakgxtakgti tuku tlan nalitachuwinamparaya akxni nalakgpimparaya.