«Tuku Dios makxtum tlawanit...»

Limapakgsin nema xmaxkikanit Moisés, xwan pi akxni chatum chixku xlakpuwama namakgxtakga xpuskat, xtalakaskin xlakkaxwililh kapsnat niku xwa tuku xlakata xlakxtlawama xtamakgaxtokgat. Uma xmakgtayanan xlakata ni lakapala xlakxtlawaka tamakgaxtokgat. Pero kxkilhtamaku Jesús, tiku xpulalinkgo takanajla, tlawakgolh pi ni tuwa xlakxtlawaka tamakgaxtokgat. Lakchixkuwin katuwa tuku xlikilhankgo xlakata nalakxtlawakgo xtamakgaxtokgatkat (nwtsty nota xla takgalhtawakga xlakata Mr 10:4: «kapsnat niku xwa tuku xlakata xlakxtlawama xtamakgaxtokgat»; nwtsty nota xla takgalhtawakga xlakata Mr 10:11: «lakxtlawa xtamakgaxtokgat», «akgskgawima tiku pulana xtamakgaxtokga»). Jesús lichuwinalh pi wa Jehová lakkaxwililh tamakgaxtokgat (Mr 10:2-12). Chatum chixku chu chatum puskat «akgtum makni nalitaxtukgo» xliputum kilhtamaku. Chuna la wan kMateo, kajwatiya tlan lakxtlawakan tamakgaxtokgat komo puskat o chixku «tlawanit talakgxtumit nema ni xlitatlawat» (Mt 19:9).

La uku lhuwa latamanin tiku ni lakskujnanikgo Jehová akxilhkgo tamakgaxtokgat chuna la fariseos chu ni chuna la Jesús. Akxni kgalhikgo taʼakglhuwit, tiku xalak kakilhtamaku tunkun lakxtlawakgo xtamakgaxtokgatkan. Pero kstalaninanin Cristo, lu xlakaskinka akxilhkgo tamakgaxtokgat chu liskujkgo xlakata nalakkaxtlawakgo xtaʼakglhuwitkan akxni tlawakgo tuku wan Biblia. Akxni akxilhnitata video Tapaxkit chu takaknin makxtum katlawa familias, kakgalhti umakgolh takgalhskinin:

• 

  ¿La tlan namakgantaxtiya kmintamakgaxtokgat tuku wan Proverbios 15:1 chu tuku xlakata lu xlakaskinka?

• ¿La tlan namakgtayayan Proverbios 19:11 ni nakgalhiya taʼakglhuwit?

• Komo mintamakgaxtokgat lakxlama, ¿tuku takgalhskinin akstu natlawanikana chu ni nalakpuwana nalakxtlawaya mintamakgaxtokgat?

• ¿La tlan namakgtayayan Mateo 7:12 tlakg tlan chixku o puskat nalitaxtuya?