KILATAMATKAN LA KSTALANINANIN CRISTO
Chuntiya kakgalhkgalhiw chu katayaniw
¿La xlimakgas kgalhkgalhipat pi kamilh xTamapakgsin Dios? ¿Tayanipat maski tuwa tuku titaxtupat? (Ro 8:25). Makgapitsi kstalaninanin Cristo ni kaʼakxilhputunkan, nitlan kalikatsinimaka, katamaknumaka kpulachin chu asta kawanimaka pi nakamakgnikan. Lhuwa amakgapitsi, kamakgapatima tajatat nema nitu xalikuchun o linkgoya kata.
¿Tuku kilitlawatkan xlakata chuntiya nakgalhkgalhiyaw chu natayaniyaw kaxatukawa tuku kalalh? Xlakata namatliwakglhaw kintakanajlakan, talakaskin nalikgalhtawakgayaw Biblia chali chali chu nalilakpuwanaw. Kajwatiya nalilakpuwanaw kintakgalhkgalhinkan (2Co 4:16-18; Heb 12:2). Chu kilitlawanitkan oración Jehová chu kilitasaskinitkan pi kakinkalimatliwakglhni xʼespíritu santo (Lu 11:10, 13; Heb 5:7). Xapaxkina kinTlatkan nakinkamakgtayayan xatapaxuwan natayaniyaw chu nakgalhkgalhinanaw (Col 1:11).
KAʼAKXILHTI VIDEO NI NATAXLAJWANIYAW AKXNI NAKGOSNANAW: KAKATSIW PI NAMAKGLHTINANAW TUKU NAMASTAKAN CHU ALISTALH KAKGALHTI UMAKGOLH TAKGALHSKININ:
¿Tuku kaj xalan max nakinkaʼakgspulayan? (Ec 9:11).
¿La kinkamakgtayayan oración natayaniyaw tuku tuwa natitaxtuyaw?
Komo nialhla lhuwa skujniyaw Jehová chuna la xapulana, ¿tuku xlakata tlakg tlan nalilakpuwanaw tuku tlanku tlawayaw?
Kalakglakachipi tuku namakglhtinana.
¿Tuku makgtayayan wix nalipawana pi nalakgchipina tuku namastakan?