Kalimakgalhtawakgenaw videos

Tuku akxilhaw tlakg kuenta tlawayaw chu kinkamakgtayayan naʼakgatekgsaw chu nalakapastakaw tuku kinkamasiyanimakan. Jehová, Tlakg xaLanka Makgalhtawakgena, maklakaskilh xlakata nakinkamasiyaniyan tuku lu xlakaskinka (Gé 15:5; Jer 18:1-6). Jesús, xaTlan Makgalhtawakgena na maklakaskilh uma (Mt 18:2-6; 22:19-21). Pulaktum tuku akxilhaw nema tlakg makgtayananit umakgolh xaʼawatiya kata wa videos. ¿Kamaklakaskimaw xlakata nakamasiyaniyaw kilimakgalhtawakgetkan?

La uku anan 10 videos nema kinkamakgtayayan nalichuwinanaw akgatunu takgalhtawakga xla folleto Lakwan tamakatsin masta Dios. Makglhuwa, xtítulo video xtachuna akgtum takgalhskinin nema min kfolleto kxalakgtsitsekge letras. Folleto nema wi kkisitiojkan xla Internet limin link nema kinkamalakapastakayan niku akxni kilimaklakaskinatkan akgatunu video. Nachuna, anan atanu videos nema tatakgatsi likgalhtawakga xla kit de enseñanza nema maklakaskinaw xlakata namakgalhtawakgenanaw.

¿Tuwa makgkatsi tiku makgalhtawakgepat naʼakgatekgsa tuku likgalhtawakgapatit o titaxtuma tuku tuwa? Kaputsa akgtum video nema tlan namakgtaya nema wi kjw.org® o kJW Broadcasting®. Max tlan akxtum xakxilhtit chu xlichuwinantit.

Akgatunu papaʼ wilikan xalaksasti videos. Akxni naʼakxilha kalilakpuwanti la tlan namaklakaskina xlakata nakamasiyaniya amakgapitsin.