¿La namaklakaskinaw sección «Tuku tlan nawanaw akxni nakatachuwinanaw latamanin»?

Lata enero kkata 2018, sección «Tuku tlan nawanaw akxni nakatachuwinanaw latamanin» taxtunit kpágina 1 xla Tuku natalikgalhtawakga, Xlatamat chu xtaskujut kstalanina Cristo. ¿La namaklakaskinaw uma sección?

Akxni namatitaxtiyaw liʼakxilhtit. Kilimaklakaskinatkan takgalhskinin, texto chu takgalhskinin nema namakgxtakga nema min kʼuma sección. Maski chuna, ni talakaskin watiya nawanaw tuku wankan kvideos. Akgtum liʼakxilhtit, tlan nalakgpaliyaw tachuwin nema nalimatsukiyaw chu niku wi o tuku tlawama tiku takgalhchuwinamaw. Na tlan namastayaw maktum likgalhtawakga xla kit de enseñanza maski sección nichuna wan.

Akxni anaw lichuwinanaw Dios. Uma sección tlawaka xlakata nakinkawanikanan tuku tlan nawanaw akxni naʼanaw lichuwinanaw Dios. Komo chatum lataman lakgati tuku litachuwinamaw chu tlakg katsiputun, tlan chuntiya natachuwinanaw chu tlan namaklakaskinaw tuku wan: akxni nalakgtaspita. Tlan tsinu nalakgpaliyaw tuku wan uma sección o putum nalakgpaliyaw komo natalakaskin. Anta niku lichuwinanaw Dios, ¿tlan xmaklakaskiw tuku lichuwinalh uma sección xla atanu papaʼ o atanu texto xalak Biblia? ¿Wi xasasti tamakatsin o wi tuku aku lalh nema tlakg katsiputunkgo latamanin? Tlan namaklakaskinaw uma sección chuna la tlakg tlan nakinkamakgtayayan, pero kalakapastakwi pi chuna tlawaputunaw “xlakata nakalitachuwinanaw amakgapitsin” xatlan tamakatsinin (1Co 9:22, 23).