Kamaklakaskiw tratados xlakata nakatachuwinanaw latamanin

Lata kkata 2018 Tuku natalikgalhtawakga, Xlatamat chu xtaskujut kstalanina Cristo limin kxmakni tuku tlan nawanaw akxni nakatachuwinanaw latamanin. Kinkawanikanitan pi talakaskin nakatachuwinanaw latamanin chu ni kajwatiya nakamaxkiyaw likgalhtawakga. Xlakata tlan chuna natlawayaw, videos nema wilikan xla sección «Tuku tlan nawanaw akxni nakatachuwinanaw latamanin» kinkamasiyaninitan la tlan namaklakaskinaw Biblia akxni nakatachuwinanaw latamanin. Pero ¿wamputun uma pi nila namaklakaskinaw likgalhtawakga akxni lichuwinanaw Dios kʼakgatunu chiki? Ni chuna. Akgtum liʼakxilhtit, lu tlan maklakaskinkan tratados xlakata nakatachuwinanaw latamanin. Akxni namaklakaskinaw, tlan natlawayaw uma:

1. Natlawaniyaw takgalhskinin nema min kxmakni tratado chu namaxkiyaw talakaskin pi nalaksaka pulaktum takgalhtin nema min anta.

2. Namasiyaniyaw texto xalak Biblia nema min niku tsuku xliʼakgtiy página. Komo tiku tachuwinamaw kgalhi kilhtamaku, kalikgalhtawakganiw chu kalitachuwinaw tuku min ktratado.

3. Kamaxkiw tratado tiku tachuwinamaw chu kawaniw pi tlan nalikgalhtawakgakgo akxni nakgalhi kilhtamaku.

4. Akxni nina anaw, kamasiyaniw takgalhskinin nema min niku wan «Kalilakpuwanti uma» chu kawani pi namasiyaniya tuku wan Biblia xlakata uma atanu kilhtamaku.

Akxni nataspitaw, kalitachuwinaw xtakgalhtin takgalhskinin nema makgxtakgwi chu katlawaniparaw atanu takgalhskinin nema nakgalhtiyaw atanu kilhtamaku. Tlan nalaksakaw akgtum takgalhskinin nema min kkisitiojkan o nema min klikgalhtawakga nema tasiya kxaʼawatiya xpágina tratado. Akxni naʼakxilhaw pi lakgati, kamaxkiw folleto Lakwan tamakatsin masta Dios o atanu likgalhtawakga nema min kkit de enseñanza chu maklakaskinaw xlakata nalimakgalhtawakgenanaw.