KILATAMATKAN LA KSTALANINANIN CRISTO
Akxni tatayayaw xtastakyaw Jehová, limasiyayaw tapaxkit
Akxni wi tiku tamakxtukan kcongregación makgtaya putum congregación xlakata nitu naʼakgspula chu makgtaya tiku tamakxtuka xlakata namakgxtakga xtalakgalhin (1Co 5:6, 11). Akxni tatayayaw xtastakyaw Jehová, limasiyayaw tapaxkit. Pero ¿xlikana tlan tlawakan uma xlakata akxni wi tiku tamakxtukan kcongregación lu limin lhuwa talipuwan, liwaka tiku xalak xfamilia chu lakgkgolotsin tiku makgtapakgsikgolh kcomité judicial?
Pulana, limasiyayaw tapaxkit chu kakni xlakata tlan nalichuwinankan Jehová chu xtastakyaw (1Pe 1:14-16). Nachuna limasiyaniyaw tapaxkit tiku tamakxtuka kcongregación. Maski xlikana pi tastakyaw limin talipuwan, tiku kastakyawakan tlan «xaʼakgstitum nalitaxtukgo chu nakgalhikgo takaksni» (Heb 12:5, 6, 11). Komo chuntiya akxtum xtalaw tiku tamakxtukanit kcongregación, ni xmastaw talakaskin pi Jehová kstakyawalh uma lataman. Kalakapastakti pi Jehová stakyawanan «chuna la xlilat» (Jer 30:11). Katatayaw Jehová chu chuntiya kaskujnaniw akxni kgalhkgalhimaw xlakata uma lataman nalakgtaspitpara xalakgalhamanina kinTlatkan (Is 1:16-18; 55:7).
AKXNI AKXILHNITATA VIDEO AKGTUM NAKU NEMA NI MAKGXTAKGNAN CHU XATAKGATSIN KXLAKATIN JEHOVÁ, KAKGALHTI UMAKGOLH TAKGALHSKININ:
¿La makgkatsikgo xanatlatni akxni chatum xkgawasakan makgxtakga Jehová?
¿La tlan nakamakgtayakgo putum congregación xfamiliajkan tiku makgxtakgkgo Jehová?
¿Tuku lichuwinan Biblia nema masiya pi wa tlakg xlakaskinka ni namakgxtakgaw Jehová nixawa kifamiliajkan?
¿La limasiyayaw pi wa Jehová tiku ni makgxtakgputunaw nixawa kifamiliajkan?