TLAKG LIWANA KAMAKGALHTAWAKGENAW. TLAKG KALIPAXUWA AKXNI LICHUWINANA DIOS
Liwana kamaklakaskinti takgalhskinin
Jehová, «xapaxuwana Dios», lakaskin pi kalipaxuwaw akxni lichuwinanaw xpalakata (1Ti 1:11). Tlakg nalipaxuwayaw la lichuwinanaw Dios komo tlakg nakatsiniyaw la namasiyayaw. Takgalhskinin tlan natlawa pi latamanin nakgaxmatputunkgo, chu na lu makgtayanan xlakata namatsukikan akgtum takgalhchuwin. Na kamakgtaya latamanin xlakata nalakpuwankgo chu nalakapastaknankgo (Mt 22:41-45). Komo tlawayaw takgalhskinin chu kgaxmataw takgalhtin, xtachuna komo xwaniw tiku tachuwinamaw pi xlakaskinka liʼakxilhaw (Snt 1:19). Takgalhtin nema nakinkamaxkiyan nakinkamakgtayayan nakatsiyaw tuku nawaniyaw alistalh.
AKXNI AKXILHNITATA NAWAN VIDEO KALIPAXUWA XLAKATA WI TIKU NAMAKGTAYAYA KSTALANINA CRISTO NAWAN. TLAKG LIWANA KAMAKGALHTAWAKGENAW: LIWANA KAMAKLAKASKIW TAKGALHSKININ, KAKGALHTI UMAKGOLH TAKGALHSKININ:
¿Tuku tayat xkgalhi Coral?
¿Tuku tlawalh Rita nema limasiyalh pi xlakaskinka xliʼakxilha Coral?
¿Tuku kgalhskilh Rita Coral xlakata tlakg xkatsiputulh xalaktlan tamakatsinin xla Tamapakgsin?
¿Tuku kgalhskilh Rita Coral xlakata xmakgtayalh xlilakpuwanalh?