TLAKG LIWANA KAMAKGALHTAWAKGENAW | TLAKG KALIPAXUWA AKXNI LICHUWINANA DIOS
Xatapaxuwan kamakgalhtawakgenaw
Komo paxuwayaw tlan natlawayaw pi amakgapitsin na napaxuwakgo chu max natlawa pi latamanin tlakg nakgaxmatputunkgo tuku nakawaniyaw. Nachuna, akxni paxuwayaw, limasiyayaw pi lu xlakaskinka akxilhaw tamakatsinin nema lichuwinanaw. Maski tanu tanu kinkilhtsukutkan chu kintayatkan, kimputumkan tlan napaxuwayaw (Ro 12:11). ¿La tlan natlawayaw?
Pulana, kalilakpuwanti tuku xlakata lu xlakaskinka tamakatsin nema lichuwinampat. Wix kgalhiya talakgalhaman nalichuwinana «xatlan tamakatsinin xpalakata tuku tlakg tlan» (Ro 10:15). Xlipulaktiy, kalilakpuwanti la kamakgtaya amakgapitsin laktlan tamakatsinin. Latamanin xlikgaxmatatkan tuku kalitachuwinamputunaw (Ro 10:13, 14). Chu xaʼawatiya, xliputum minaku kachuwinanti, milakan chu chuna la matsuwiya mimakan kalimasiyalh pi xlikana makgtayanamputuna.
AKXNI AKXILHNITATA NAWAN VIDEO KALIPAXUWA XLAKATA WI TIKU NAMAKGTAYAYA KSTALANINA CRISTO NAWAN. TLAKG LIWANA KAMAKGALHTAWAKGENAW: XATAPAXUWAN KAMAKGALHTAWAKGENAW, KAKGALHTI UMAKGOLH TAKGALHSKININ:
¿Tuku xlakata Rita nialh lu xlipaxuwa akxni xlimakgalhtawakge Biblia Coral?
¿Tuku makgtayalh Rita napaxuwapara?
Komo paxuwayaw, amakgapitsin na napaxuwakgo
¿Tuku xlakata wa kiliʼakxilhatkan tuku tlan tlawakgo tiku kinkakgaxmatnikgoyan?
Komo paxuwayaw, ¿la nakamakgtaya uma tiku kalimakgalhtawakgeyaw Biblia chu amakgapitsi latamanin?