Kalimasiyaw tapaxkit kfamilia

Tapaxkit makxtum tlawa akgtum familia. Komo ni anan tapaxkit lu tuwa nawan pi makxtum natawilakgo chu makxtum naskujkgo. ¿La tlan nalimasiyakgo tapaxkit kfamilia lakchixkuwin, lakpuskatin chu xanatlatni?

Chatum xapaxkina chixku kuentajtlawa tuku maklakaskin xpuskat, tuku lakpuwan chu tuku makgkatsi (Ef 5:28, 29). Xla kuentajtlawa pi xfamilia nakgalhikgo putum tuku maklakaskinkgo chu natlawa tuku nakamakgtaya namatliwakglhkgo xtakanajlakan, chuna la akxni kakninanikgo Dios kfamilia (1Ti 5:8). Chatum xatlan puskat nakgalhakgaxmatni xchixku chu lu namaxki kakni (Ef 5:22, 33; 1Pe 3:1-6). Xlilat pi xchatiykan nalatapatikgo (Ef 4:32). Xalaktlan natlatni kakuentajtlawakgo chatunu xlakkamanankan chu kamasiyanikgo napaxkikgo Jehová (Dt 6:6, 7; Ef 6:4). ¿Tuku tuwa titaxtukgo kʼescuela? ¿Tuku tlawakgo akxni kamatlawiputunkan tuku nitlan? Komo anan tapaxkit kfamilia, putum tlan namakgkatsikgo.

AKXNI AKXILHNITATA NAWAN VIDEO KALIMASIYAW KFAMILIA TAPAXKIT NEMA NIKXNI SPUTA, KATLAWA UMAKGOLH TAKGALHSKININ:

• 

  ¿La kuentajtlawa xpuskat chatum tlan chixku?

• 

  ¿La nalimasiyani chatum tlan puskat pi maxki kakni xchixku?

• 

  ¿La tlan naliskujkgo natlatni xlakata nakalitachuwinankgo xlakkamanankan xlakata Dios?