TUKU LHUWA XTAPALH XALAK BIBLIA

Kaskujnaniw Jehová xliputum kinakujkan

Caleb skujnanilh Jehová xliputum xnaku lata akxni kgawasaku xwanit (Jos 14:7, 8).

Akxni xlina kata, Caleb lipawa pi Jehová xʼama makgtaya xlakata xmakgantaxtilh tuku kskininit (Jos 14:10-12; w04-S 1/12 12 párr. 2).

Caleb makgamakglhtinalh xtatlaja xlakata skujnanilh Jehová xliputum xnaku (Jos 14:13, 14; w06-S 1/10 18 párr. 11).

Dibujos niku tasiya chatum tala puskat tiku ni makgxtakga Dios maski titaxtuma tuku tuwa xlakata lina kata. 1. Xla lichipaxnanit xlixtokgo akxni tawila chu ama tlawa oración. 2. Akxtum talichuwinan Dios chatum tala tsumat anta niku lu titaxtukan. 3. Kamasiyani xfotos chatiy laktsu kamanan xalak xcongregación. 4. Xla xatapaxuwan lakalitsin.

Xtakanajla Caleb xtatliwakglhtilha akxni xmakgantaxti tuku xwan Jehová chu xʼakxilha la ksikulunatlawama. Akxni akxilhaw pi Jehová kgalhti kiʼoracioneskan chu kinkapulalinan, kinkamakgpuwantiniyan chuntiya naskujnaniyaw (1Jn 5:14, 15).