Tamalakatsukin kinkamakgtayayan nalipawanaw xliskgalala Jehová

¿Xlikana pi Jehová ankgalhin katsi tuku tlan kimpalakatakan? ¡Chuna! Komo liwana katsiyaw uma, skgalala nalitaxtuyaw chu namastayaw talakaskin pi Jehová kakinkapulalin (Pr 16:3, 9). Pero max tuwa makgkatsiyaw nalipawanaw xtastakyaw Jehová xlakata akinin tanu la lakpuwanaw. Tlan namatliwakglhaw la lipawanaw xliskgalala Jehová komo nalilakpuwanaw xtamalakatsukin (Pr 30:24, 25; Ro 1:20).

AKXNI AKXILHNITATA NAWAN VIDEO ¿MALAKATSUKIKANIT? ¿TUKU XLAKATA CHAʼAN NI LAMALAKGACHOKGOKGO?, KAKGALHTI UMAKGOLH TAKGALHSKININ:

• ¿Tuku tlawakgo chali chali chaʼan?

• ¿Tuku tlawakgo chaʼan xlakata ni nalamalakgachokgokgo?

• ¿Tuku tlan nakatsiniyaw xlakata la tatsuwikgo chaʼan?

AKXNI AKXILHNITATA NAWAN VIDEO ¿MALAKATSUKIKANIT? ¿LA TLAN KGOSKGO UXU?, KAKGALHTI UMAKGOLH TAKGALHSKININ:

• ¿Tuku xlakata tuwa tlawakan pi nakgosa aktsu avión?

• ¿La tlawa uxu akxni kgosa xlakata ni natamakgwasa?

• ¿La tlan xlitamakgtayaw liskgalala nema kgalhikgo uxu?

Akxni akxilha tamalakatsukin niku lapat, ¿tuku akxilhnita nema limasiya xliskgalala Jehová?