KILATAMATKAN LA KSTALANINANIN CRISTO
Lakkamanan, putum kakalitachuwinantit minatlatnikan
¿Tuku xlakata talakaskin nakawaniya minatlatni tuku lakpuwana? (Pr 23:26). Xlakata Jehová kalakgayawanit pi wa nakuentajtlawakgoyan chu napulalinkgoyan kmilatamat (Sl 127:3, 4). Komo ni nakawaniya tuku lilakgaputsaya chu tuku lakaskina, xlakan tuwa namakgkatsikgo namakgtayakgoyan. Chu ni kajwatiya uma, namakgatsankgaya tuku tlan xkatsini nema titaxtukgonit kxlatamatkan. Pero ¿talakaskin putum nakawaniya minatlatni? Max ni putum, pero ni kakamatsekgni tuku xlakan xlikatsitkan (Pr 3:32).
¿La tlan nakatachuwinana minatlatni? Kaputsa kilhtamaku akxni tlan putum nachuwinanatit. Na tlan natsokgnaniya maktum carta mintlat o mintse niku nawaniya tuku makgkatsiya. Pero ¿chu komo xlakan lichuwinanputunkgo tuku wix ni lichuwinamputuna? Kalakapastakti pi xlakan makgtayaputunkgoyan. Minatlatni ni mintalatlawananin litaxtukgo. Putum tuku natlawaya xlakata nakatachuwinana namakgtayayan xliputum milatamat: la uku chu kkilhtamaku nema aku mima (Pr 4:10-12).
AKXNI AKXILHNITATA NAWAN VIDEO AKXNI AKU STAKPAT: ¿LA TLAN NAKATACHUWINANA MINATLATNI?, KAKGALHTI UMAKGOLH TAKGALHSKININ:
¿Tuku wankgo Esther chu Partik?
¿Tuku tlan nakatsiniya xlakata Jesús?
¿La limasiyanikgonitan minatlatni pi paxkikgoyan?
Minatlatni lakaskinkgo pi tlan kakitaxtunin kmilatamat
¿Tuku tastakyaw xalak Biblia namakgtayayan xlakata tlan nakatachuwinana minatlatni?