KILATAMATKAN LA KSTALANINANIN CRISTO
¿Tiku miʼamigos anta kʼinternet?
Chatum amigo wa tiku lu tlan talalinkan chu paxkikan. Akxni David xmakgninita Goliat, xla chu Jonatán amigos litaxtukgolh (1Sa 18:1). Chatunu chatunu akxilhkgolh laktlan tayat nema xkgalhikgo, chu uma tlawalh pi lu tlan xlatalalinkgolh. Wa xlakata, komo kgalhiputunaw xalaktlan amigos, talakaskin pi liwana nakalakgapasaw, chu uma lin kilhtamaku. Pero kredes sociales, lakapala katekgskan «amigos». Kʼinternet latamanin ni wankgo la xlikana likatsikgo, xlakata ni wilikgo tuku xlikatsitkan amakgapitsin. Wa xlakata, pulana kililakpuwanatkan komo namakgamakglhtinanaw chatum lataman la kiʼamigokan anta kʼinternet. Ni kapekuanti komo nasitsi chatum lataman xlakata ni namakgamakglhtinana la miʼamigo kredes sociales. Xlakata anan tuku kalipekua anta kʼinternet, lhuwa tiku lakpuwankgonit ni namaklakaskinkgo redes sociales. Pero, komo laksaknita namaklakaskina redes sociales, ¿tuku milikatsit?
AKXNI AKXILHNITATA NAWAN VIDEO LIWANA KAMAKLAKASKINTI REDES SOCIALES, KAKGALHTI UMAKGOLH TAKGALHSKININ:
¿Tuku milikatsit akxni wi tuku nina tsokgwiliya chu nina mawakaya fotos kredes sociales?
¿Tuku xlakata kuenta militlawat tiku miʼamigos nakalimaxtuya kʼinternet?
¿Tuku xlakata kuenta militlawat kilhtamaku nema limaklakaskina kredes sociales? (Ef 5:15, 16).