Akxni lichuwinanaw Dios kakalitachuwinaw latamanin tuku lilakgaputsakgo

Akxni xlichuwinan Dios, Jesús xlichuwinan tuku xlama uma kilhtamaku xlakata wi tuku lu xlakaskinka namasiya (Lu 13:1-5). Wix na tlan namaklakaskina tuku lama la uku xlakata natlawaya pi latamanin tlakg nakatsiputunkgo. Akxni lichuwinanitata la tapalaxlanama, la wi tuku masputunalh, la lu maklakaskinkan drogas, la anan taʼakglhuwit o atanu, kakgalhskinti tuku namalakpuwani. Akgtum liʼakxilhtit: «¿Lakpuwana pi namin kilhtamaku nasputa…?» o «¿Tuku lakpuwana pi nalakkaxtlawa…?». Alistalh kamasiyani akgtum texto nema tatalakxtumi tuku lichuwinampatit. Komo lataman tlakg katsiputun, kamasiyani akgtum video o maktum likgalhtawakga xla kit de enseñanza. Kaliskujwi nakalakgchanaw kxnakujkan tiku kalitachuwinanaw Dios chu “putum chuna katlawaw xpalakata xatlan tamakatsinin” (1Co 9:22, 23).

¿Tuku max katsiputunkgo latamanin niku lichuwinana Dios?