Kamaklakaskinti jw.org xlakata natekgsa laktlan tastakyaw

Anta kxTachuwin Dios tekgsaw putum tuku maklakaskinaw xlakata natayaniyaw kxaʼawatiya kilhtamaku (2Ti 3:1, 16, 17). Pero min kilhtamaku maklakaskinaw tastakyaw xlakata tuku titaxtumaw. Akgtum liʼakxilhtit, ¿maklakaskina tamakgtay xlakata la nakamakgastaka minkamanan? ¿Patipat xlakata nilh minchixku o mimpuskat? Komo aku stakpat, ¿katuwa tawilama mintakanajla? Kjw.org tekgsaw artículos nema liminkgo tastakyaw xalak Biblia xlakata tuku titaxtumaw chu atanu (Pr 2:3-6).

Kpestaña niku tsuku xla jw.org, kapit niku wan «Tamasiy xalak Biblia» chu kalaksakti pulaktum (dibujo 1). O kapit niku wan «Likgalhtawakga nema wi», alistalh kapit «Artículos nema watiya tuku lichuwinankgo» chu kalaksakti pulaktum (dibujo 2). Watiya uma natekgsa kJW Library^®.a ¿Tlan xʼakxilhti umakgolh artículos nema wilakgolh anta? Atanu tuku tlan natlawaya wa naputsaya kbuscador akgtum tema nema wix katsiputuna (lupa xla jw.org).

Katsokgwili umakgolh temas anta kbuscador chu katsokgwili artículos nema likgalhtawakgaputuna:

• Kastakyawakan kamanan

• Kamakgtayakan kamanan

• Tuku xaxlikana xlakata linin