Kisitiojkan oficial kʼInternet: kamakgtaya putum latamanin

Jesús kinkamaxkin limapakgsin nalichuwinanaw «xlikatlanka nkatuxawat yuma xatlan tamakatsinin xla tapakgsin; lakimpi paks nakgaxmatkgoy» (Mat. 24:14). Xlakata lu tlan namakgantaxtiyaw uma limapakgsin, tatlawanit xasasti sitio jw.org niku makxtum kawilikanit tuku xwi kwatchtower.org, jw-media.org chu jw.org nema xwi pulana (2 Tim. 4:5).

«Xlikatlanka nkatuxawat.» Atsinu ni putum latamanin kxlikalanka katiyatni maklakaskinkgo Internet. Lhuwa latamanin, tlakg putsanankgo kʼInternet, liwaka lakgkgawasan. Kisitiojkan kamakgtaya latamanin xlakata tlan natekgskgo xaxlikana xtakgalhtin takgalhskinin xalak Biblia. Chuna tlan nalakgapaskgo xkachikin Jehová chu tlan naskinkgo akgtum takgalhtawakga xalak Biblia. Uma namakgtayanan xlakata latamanin nakgaxmatkgo xatlan tamakatsinin niku max nila nakatachuwinankan.

«Paks nakgaxmatkgoy.» Xlakata «paks nakgaxmatkgoy» xatlan tamakatsinin, akinin xtatayananin Jehová kilimasiyatkan xaxlikana xalak Biblia klhuwa tachuwin. Wa xlakata, kkisitiojkan wi lhuwa likgalhtawakga max akgtati ciento tachuwin, chu ni anan atanu chuna la uma kʼInternet.

Kalitamakgtaya. Xasasti sitio jw.org ni kajwatiya tlawakanit xlakata namaklakaskinkgo latamanin. Na nakamakgtaya xtatayananin Jehová. Komo tlan tanuya kʼInternet, kkawaniyan pi kaʼakxilhti tuku wi ksitio jw.org. Uku nakatsiyaw la nakinkamakgtayayan uma sitio.

[Dibujo xla página 3]

(Xlakata nakatsiya la tasiya kaʼakxilhti likgalhtawakga)

Kalitsakgsa

1 Katsokgti www.jw.org/jw-tot anta niku putsanankan kʼInternet.

2 Katanu kpágina, chu kaputsa tuku wi kmenú chu kvínculos. (Makgapitsi secciones nina wilakgolh [xatotonaco]. Xlakata tlan nakaʼakxilha katanu kpágina www.jw.org/es.)

3 Katanu ksitio jw.org kmicelular o atanu. Natalakgpali la xlilanka página xlakata tlan naʼakxilha kmimpantalla, pero watiya likgalhtawakga naʼakxilha.