TUKU LHUWA XTAPALH XALAK BIBLIA
Liwana kalaksakti tiku natatamakgaxtokga
Salomón ni limasiyalh liskgalala akxni katatamakgaxtokgli lakpuskatin tiku xkakninanikgo nixaxlikana dioses (1Re 11:1, 2; w18.07 18 párr. 7).
Xlakpuskatin Salomón tlawakgolh pi xla tsinu tsinu xkakninanilh atanu dioses (1Re 11:3-6; w19.01 15 párr. 6).
Jehová lu sitsinilh Salomón (1Re 11:9, 10; w18.07 19 párr. 9).
Biblia kawani kstalaninanin Cristo tiku nina makgaxtokgkgo pi komo natamakgaxtokgkgo katatamakgaxtokgkgolh «kajwatiya tiku kstalanina Malana» (1Co 7:39). Pero, maski wi tiku tamununita uma ni wamputun pi tlan chixku o tlan puskat nalitaxtu. Kalilakpuwanti: «¿Nakimakgtaya xlakata nakskujnani Jehová putum kilatamat? ¿Lhuwata kilhtamaku limasiyama pi xlikana paxki Jehová?». Akxni nina lakkaxwiliya pi natamakgaxtokga, kalimaxtu kilhtamaku xlakata liwana nalakgapasa tiku tatamakgaxtokgputuna.