Tamakgaxtokgat putum kilhtamaku xlimakgapalat

Tamakgaxtokgat tiku tlan kakitaxtuni malankikgo Jehová chu paxuwakgo (Mr 10:9). Komo chatum kstalanina Cristo kgalhiputun akgtum xatapaxuwan tamakgaxtokgat chu lakaskin pi kamakgapalalh, lu xlilakapastakat tastakyaw xalak Biblia akxni nalaksaka tiku natatamakgaxtokga.

Ni kakgalhi militatawilat o mintaskin akxni lu kgawasaku o lu tsumatku wix, akxni “makgkatsikan pi nila makgatlajakan chuna la talakgxtumiputunkan” chu uma tlawa pi ni liwana nalakapastaknankan (1Co 7:36). Xlakata nina makgaxtokga liwana kamaklakaskinti minkilhtamaku xlakata namatliwakglha chuna la talalipina Dios chu nakgalhiya laktlan tayat. Uma namakgtayayan xlakata tlan chixku o puskat nalitaxtuya.

Akxni wi tiku lakgapaspat, kalimaxtu kilhtamaku xlakata nakatsiya la xlikana likatsi uma lataman (1Pe 3:4). Komo wi tuku ni liwana katsiya, kalitachuwinanti tiku tatamakgaxtokgputuna. Xtachuna la akxni katalalinkan amakgapitsin, ktamakgaxtokgat tlakg nalilakpuwana tuku tlan namastaya nixawa tuku namakglhtinana (Flp 2:3, 4). Komo nalilatapaya tastakyaw xalak Biblia akxni nina tamakgaxtokga, tlakg ni tuwa namakgkatsiya nalilatapaya akxni tamakgaxtokgnitata nawan, chu chuna xatapaxuwan natawila mintamakgaxtokgat.

AKXNI AKXILHNITATA NAWAN VIDEO ¿TUKU MILITLAWAT XLAKATA TLAN NATAMAKGAXTOKGA? XLIPULAKTUTU: “KAʼAKXILHTI KOMO NAʼAKCHANIYAN MINTUMIN”, KAKGALHTI UMAKGOLH TAKGALHSKININ:

• ¿La xkakitaxtunima chuna la xlalakgapasmakgo tala chu Shane?

• ¿Tuku akxilhli tala chuna la tlakg xlakgapastilhama Shane?

• ¿La makgtayakgolh xnatlatni, chu tuku tlan laksakli?