Ni lu kalilakgaputsa taʼakglhuwit xlakata tumin

Lu tuwa latamakan kxaʼawatiya kilhtamaku. Anan lhuwa taʼakglhuwit. Chu xlakata talakatsuwimaw kxlisputni uma kakilhtamaku, tlakg lhuwa taʼakglhuwit naʼanan. Asta max nakinkatsankganiyan tuku maklakaskinaw (Hab 3:16-18). ¿Tuku nakinkamakgtayayan ni lu nalilakgaputsayaw taʼakglhuwit xlakata tumin? Tuku liwana kilikatsitkan wa pi kiDioskan, Jehová, nakinkamakgtayayan. Xla malaknu pi nakakuentajtlawa xʼamigos chu akxni kaxatukawa tuku titaxtumaw nawan, tlan nakinkamaxkiyan tuku maklakaskinaw (Sl 37:18, 19; Heb 13:5, 6).

¿Tuku tlan natlawaya?

• Katasaskini Jehová pi kapulalin, kamaxkin liskgalala chu kamakgtayan (Sl 62:8).

• Kamakgamakglhtinanti taskujut nema nikxni tlawanita (g-S 1/10 8-9, recuadros).

• Chuntiya katlawa tuku tlakg xlakaskinka: kalikgalhtawakga Biblia chali chali, kapit ktamakxtumit chu kalichuwinanti Dios.

AKXNI AKXILHNITATA NAWAN VIDEO KATLAWAW CHIKI NEMA NATAYANI: «KALIPAXUWATIT TUKU KGALHIYATIT», KAKGALHTI UMAKGOLH TAKGALHSKININ:

• ¿Tuku tuwa titaxtukgolh umakgolh familias?

• ¿Tuku tlakg xlakaskinka klatamat?

• ¿La tlan nakamakgtayayaw tiku kgalhikgo taʼakglhuwit xlakata tumin?