Jehová ni putum kilhtamaku katikgalhkgalhinalh

Jehová mastalh talakaskin pi Asiria xʼakgchipalh Israel (2Re 17:5, 6; it-2-S 903 párr. 6).

Jehová kastakyawalh xkachikin xlakata chuntiya xtlawamakgo tuku nitlan xlimamakgkatsinikgolh (2Re 17:9-12; it-1-S 444).

Jehová ni lakapala kasitsinilh israelitas chu makglhuwa kastakyawalh (2Re 17:13, 14).

KinTlatkan xalak akgapun lu xapaxkina chu ni lakapala kasitsini latamanin maski makglakgalhinanin (2Pe 3:9). Pero xlakata namakgantaxti xtalakaskin, nialh makgas nakamalakgsputu latamanin tiku nitlan likatsikgo. Xlakata uma, ¿la kiliʼakxilhatkan tastakyaw chu la xlakaskinka naliʼakxilhaw la lichuwinanaw Dios?