KILATAMATKAN LA KSTALANINANIN CRISTO
Lakgkgolotsin tlawakgo xtaskujutkan xlakata tlan natawila xkachikin Jehová
Lhuwa latamanin nitlan kaʼakxilhkgo tiku kgalhikgo limapakgsin. Lhuwa tiku limaklakaskinkgonit limapakgsin nema kgalhikgo xlakata xʼakstukan nalitamakgtayakgo. Chu akxni lilakpuwanaw tuku lanit makgasa, akxilhaw pi uma xlikana (Miq 7:3). ¡Lipaxuwayaw pi kxkachikin Dios nichuna la! Jehová kamasiyaninit lakgkgolotsin liwana nalimaklakaskinkgo limapakgsin nema kgalhikgo xlakata nalitamakgtaya putum congregación (Est 10:3; Mt 20:25, 26).
Lakgkgolotsin ni xtachuna tiku kgalhikgo limapakgsin kʼuma kakilhtamaku, tiku kajwatiya tlawaputunkgo tuku lakaskinkgo. Xlakata lakgkgolotsin paxkikgo Jehová chu xnatalankan, liwana limaklakaskinkgo xlimapakgsinkan (Jn 21:16; 1Pe 5:1-3). Stalanikgo xtapulalit Jesús chu kamakgtayakgo publicadores namakgkatsikgo pi makgtapakgsikgo kxfamilia Jehová chu ni natamakgatlinikgo. Skgalalh wilakgo xlakata nakamatliwakglhkgo kskujnin Jehová. Chu akxni la tuku masputunan o akxni talakaskin wi tiku lakapala nalinkan kpumakuchin, ankgalhin skgalalh wilakgo xlakata nakamakgtayakgo natalan. Komo maklakaskina tamakgtay, tunkun katachuwinanti chatum kgolotsin xalak mincongregación (Snt 5:14).
AKXNI AKXILHNITATA NAWAN VIDEO MAPUCHWAYANINANIN TIKU KUENTAJTLAWAKGO BORREGOS, KAKGALHTI UMAKGOLH TAKGALHSKININ:
¿La makgpuwantinilh Mariana xtamakgtaykan lakgkgolotsin?
¿La makgpuwantinilh Elías xtamakgtaykan lakgkgolotsin?
¿La makgtayanitan uma video xlakata xtapalh naliʼakxilha xtaskujutkan lakgkgolotsin?