Kamaklakaskinti tuku pulana tasiya kjw.org xlakata nalichuwinana Dios

Anta niku tsuku página xla jw.org wilakgo artículos chu videos nema katlawakanit xlakata latamanin tlakg nakatsiputunkgo (Hch 13:48). Anta limin tamakatsinin nema taxtukgo knoticias o tuku latamanin lilakgaputsakgo.

¿La tlan nalimaklakaskina tuku pulana tasiya kjw.org xlakata nalichuwinana Dios?

• Ankgalhin kaʼakxilhti tuku xasasti taxtu. Kalilakpuwanti la tlan nalimaklakaskina artículos nema min niku wan «Kaʼakxilhti uma» (katanu niku wan «Tlakg kaʼakxilhti» xlakata natekgsa atanu artículos nema nina makgas taxtukgonit). ¡Lu namakgtayayan xlakata tlakg liwana nalichuwinana Dios!

• Kamaklakaskinti artículos chu videos xlakata nalimatsukiya takgalhchuwin. Namakgtayayan nakatsiya tuku lilakgaputsakgo latamanin.

• Kamasiya uma página. Kalichuwinanti makgapitsi temas chu kamasiyani tiku tachuwinampat la tlakg nalakputsanani.

• Kamalakgacha akgtum enlace. Wilakgo tiku ni kinkatakgalhchuwinamputunan, pero lakgatikgo tanukgo kkisitiojkan xla internet. Wa xlakata kakamalakgachani latamanin tiku tlakg katsiputunkgo akgtum enlace xlakata natanukgo kkisitiojkan o naʼakxilhkgo akgtum artículo o video.