Tuku litsuku

¿Lakpuwana wix pi kakilhtamaku litsama tasitsi? Lhuwa latamanin lu nitlan la limasiyakgo pi sitsikgo. Akgtum liʼakxilhtit, kalakgmakgankgo amakgapitsin, kamatlawiputunkgo tuku nitlan, kawanikgo tuku nitlan kamamakgkatsini o asta kawilinikgo. ¿Tlan namachokgoyaw tasitsi? Uma revista namasiyaniyan la Biblia tlan nakinkamakgtayayan namachokgoyaw tasitsi chu pi Dios nialh makgas namalakgsputu putum kilhtamaku.