Tuku tlan nalikgalhtawakgayaw

¿Tuku tlakg xlakaskinka naliʼakxilhaw?

Maski lhuwa kilhtamaku likgalhtawakgaputunaw Biblia, min kilhtamaku nila chuna tlawayaw. Wa xlakata, ¿tuku namakgtayayan? Pulana, akxni nakgalhiya tsinu kilhtamaku, kakgalhtawakga. Tlakg tlan maski kaj tsinu tuku nalikgalhtawakgaya pero liwana naʼakgatekgsa, nixawa lhuwa tuku nalikgalhtawakgaya pero kaj lakapala chuna natlawaya.

Alistalh kalakkaxwili tuku pulana natlawaya (Efes. 5:15, 16). Tlan natlawaya uma:

• Chali chali kalikgalhtawakga Biblia (Sal. 1:2). Max tlan xlikgalhtawakga capítulos nema lakgchan nalikgalhtawakgakan ktamakxtumit xʼitat semana.

• Kalikgalhtawakga tuku naʼakxilhkan ktamakxtumit chuna la Makatsinina chu tuku naʼakxilhkan ktamakxtumit xʼitat semana. Akxni nalakkaxwiliya tuku naʼakxilhkan, kalilakpuwanti tuku tlan nakgalhtinana (Sal. 22:22).

• Komo tlakg kgalhiya kilhtamaku, na kaʼakxilhti tuku xasasti taxtuma, chuna la revistas nema makgpitsiyaw, videos chu atanu tuku xasasti wilikan kjw.org.

• Kalakkaxwili tuku natlawaya akxni nakgalhtawakgaya. Tlan naputsaya tuku namakgtayayan ktaʼakglhuwit nema kgalhiya, tlan nalakputsananiya tuku katsiputuna o akgtum tema xalak Biblia nema tlakg akgatekgsputuna. Natekgsa atanu tuku tlan natlawaya ksección «Actividades para estudiar la Biblia», nema wi kjw.org.