Kalimaklakaskiw sitio jw.org xlakata nalichuwinanaw Dios: «Xʼamigo Jehová kawanti»

Sección «Likgalhtawakga» xla jw.org kgalhi akgtum sección xla laktsu kamanan nema wanikan «Xʼamigo Jehová kawanti». (Xaʼespañol limin videos, takilhtlin chu atanu.) ¿Limaklakaskinitawa uma sección akxni lichuwinanaw Dios? Komo tiku makgalhtawakgamaw kgalhi laktsu kamanan, tlan xwa komo xkamasiyaniw. Max uma natlawa pi naʼakxilhputun atanu secciones xla kisitiojkan kʼInternet.

Akxni chatum tala maxkilh Tamakatsin xla Tamapakgsin número 38 chatum puskat tiku xkgalhi laktsu kamanan, xla tunkun tsukulh likgalhtawakga. Laktsu kamanan na xkatsiputunkgo tuku uma kapsnat. Wa xlakata tala kawanilh tuku xlichuwinan uma chu kamasiyanilh dirección xla sitio xla Internet nema wi niku kgalhsputa página. Xlakata puskat lu lakgatilh, tala kamasiyanilh akgtum video xla Caleb nema xlin kxteléfono.

Chatum tala litachuwinalh xlakata sitio jw.org chatum tiku taskuja tiku xkgalhi laktsu kamanan. Wanilh pi kʼuma sitio tlakg xtekgsli tuku kamakgtaya familias. Puskat akxilhli sitio chu nachuna xkamanan. Alistalh wanilh tala pi xkamanan xtlikgo kxchikkan takilhtlin «Predica la palabra», xaʼespañol xla sección «Xʼamigo Jehová kawanti».

¿Ni xlikana pi tlan komo naʼakxilhtilhayaw tuku xasasti wilikan ksitio jw.org chu namaktiyaw makgapitsi videos, takilhtlin chu atanu? Komo chuna tlawayaw, tlan nalimaklakaskinaw uma sección akxni lichuwinanaw Dios xlakata akinin xlakskujnin Malana (Hech. 20:19).