Experiencias

Tuku tlan kitaxtu akxni kalimasiyanikan talakgalhaman putum latamanin

Akgtum kilhtamaku, chatum tala xalak Nueva Zelanda akxilhli video Preocupémonos unos por otros, niku lichuwinankan pi Jehová ni kajwatiya wan pi lakgalhamanan, wata limasiya (Is. 63:​7-9). Uma tala lakkaxwililh nachuna natlawa chu lilakpuwa tiku tlan xmakgtayalh. Uma kilhtamaku alh tamawanan, chu akxilhli chatum puskat tiku kkatijin xlama, wa xlakata wanilh pi x’ama tamawani tuku xwalh. Uma puskat makgamakglhtinalh xtamakgtay. Akxni kintalakan taspitli chu liminilh liwat, litachuwinalh Dios chu masiyanilh tratado ¿Namin kilhtamaku akxni nialh napatinanaw?

Puskat tsukulh tasa chu wanilh pi akxni aktsujku xwanit masiyanika xaxlikana, pero akglhuwata kata xtamakgatlininit congregación. Wanilh pi xla kskininit Jehová pi xmakgtayalh nataspita. Tala maxkilh maktum Biblia chu wanilh pi x’ama limakgalhtawakge.a

Xtachuna la Jehová, akinin na tlan nakalimasiyaniyaw talakgalhaman tiku xalak kifamiliajkan chu kinatalankan xalak congregación. Atanu la tlan nalimasiyayaw uma tayat wa pi nakalitachuwinanaw Dios latamanin.