¿Tuku xlakata ananku guerras chu tatalachipat?

TALAKGALHIN

Akxni Dios kamalakatsukilh Adán chu Eva katlawalh chuna la xla, uma wamputun pi tlan xʼamakgo limasiyakgo xtayat xMalakatsukinakan, xʼamakgo paxkinankgo chu xʼamakgo putsakgo takaksni (Génesis 1:27; 1 Corintios 14:33; 1 Juan 4:8). Pero katsiyaw pi xlakan ni kgalhakgaxmatkgolh Dios chu makglakgalhinankgolh, chu xlakata putum akinin xkamanan, kinkamatitaxtinikgon talakgalhin chu linin (Romanos 5:12). Wa xlakata ankgalhin tlawaputunaw tuku nitlan, chu wa uma tuku tlawa pi nalatalatlawaputunaw (Génesis 6:5; Marcos 7:​21, 22).

XTAMAPAKGSINKAN LATAMANIN

Dios ni kamalakatsukilh latamanin xlakata xʼakstukan xtapakgsikgolh. Biblia wan pi «ni lakgchan chatum chixku xʼakstu napulalin xtatukit» (Jeremías 10:​23, La Biblia. Traducción del Nuevo Mundo). Wa xlakata, mapakgsinanin nila masputukgo guerras chu tatalachipat.

SATANÁS CHU XDEMONIOS

Biblia wan pi «putum kakilhtamaku wi kxmakan Akgskgawini» (1 Juan 5:19). Satanás o Akgskgawini, chatum xalixkajni makgnina (Juan 8:44). Xla chu xdemonios kamapuntanikgo o tlawakgo pi latamanin natlawakgo guerras chu nalatalachipakgo (Apocalipsis 12:​9, 12).