Kalimaklakaskiw Biblia chuna la akgtum espejo

Discípulo Santiago tamalakxtumilh Biblia chuna la akgtum espejo nema kinkamakgtayayan naʼakxilhaw la likatsiyaw (Sant. 1:​22-​25). ¿La tlan liwana nalimaklakaskinaw Biblia xlakata nakinkamakgtayayan xtachuna la akgtum espejo?

Liwana kalikgalhtawakgaw. Komo kaj lakapala xlaka’aw k’espejo, max ni xʼakxilhwi komo wi tuku nitlan tasiya kkimaknikan. Xtachuna kitaxtu akxni likgalhtawakgayaw Biblia. Komo kaj lakapala nalikgalhtawakgayaw, ni kati’ak­xilhwi komo wi tuku kililakgpalitkan. Wa xlakata, talakaskin liwana nalakputsananiyaw xTachuwin Dios.

Akinin kakinkalakputsananikan chu ni wa amakgapitsin. Komo akxni lakaʼanitaw k’espejo na wi tiku tasiyayacha, max kajwatiya na’akxilhaw tuku nitlan kgalhi uma lataman. Xtachuna la uma, max xtsukuw maklakaskinaw Biblia kaj xlakata na’akxilhaw tuku nitlan tlawamakgo amakgapitsin. Pero komo chuna xtlawaw, ni xkinkamakgtayan nalakgpaliyaw tuku talakaskin xlakata tlakg tlan nalikatsiyaw.

Ni kamalakatsaliw. Komo kajwatiya lu kuenta natlawayaw tuku ni lakgatiyaw akxni la­kaʼanaw k’espejo, max nalilipu­wanaw. Akxni likgalhtawakgayaw tuku wan Biblia, talakaskin ni namalakatsaliyaw chuna la kinkaʼakxilhkanan chu ni natlawaputunaw tuku nipara Jehová kinkaskiniyan pi katlawaw (Sant. 3:​17).