Nialh kalipawankan políticos | ¿Tuku kinkawaniyan Biblia?

Kata 2024 kxlilakgatum katiyatni tlakg na’anan votaciones xlakata tiku tayaputunkgo kpumapakgsin nixawa la amakgapitsi kata. Pero, lhuwa latamanin nialh kalipawankgo políticos.

• Kakgalhskinka latamanin anta k’Estados Unidos chu tlakg lhuwa tiku wankgolh pi «lhuwa políticos kajwatiya x’akstu kalilakgaputsakan» chu ni wa kaj xlakata tlawaputunkgo tuku lakaskinkgo latamanin (centro de investigación Pew Research Center, 19 xla septiembre kata 2023).a

Nachuna lhuwa kamanan nialh kalipawankgo políticos.

• «Tasiyama pi lakkamanan lakkaxtlawaputunkgo taʼakglhuwit nema anan, pero akxni kakgalhskinka, xlakan wankgolh pi políticos ni wankgo tuku xlitatlawat xlakata nalakkaxla taʼakglhuwit» (The New York Times, 29 xla enero kata 2024).

• «Kakgalhskinka lakkamanan chu xlakan wankgo pi tlakg kalipawankgo tiku youtubers nixawa políticos» (The Korea Times, 22 xla enero kata 2024).

Wa xlakata, ¿natlawakgo políticos pi kilhtamaku nema aku mima tlakg tlan nawan? ¿Tiku tlan nalipawanaw?

Kaʼakxilhti tiku nalipawana

Tlan kuenta natlawayaw akxni wi tiku lipawanaw. Biblia wan pi «tiku ni skgalala kanajla putum tuku wanikan, pero tiku skgalala liwana lakapastaka tuku natlawa» (Proverbios 14:15).

• Komo katsiputuna pi akgtum tamakatsin xaxlikana o ni, kalikgalhtawakga artículo «Cómo protegerse de la información falsa».

Nachuna, asta políticos tiku tlan tapuwan kgalhikgo o tlawaputunkgo tuku xatlan nila putum tuku tlawakgo. Wa xlakata, Biblia wan:

• «Ni kakalipawantit lakchixkuwin tiku kgalhikgo limapakgsin, chu ni para atanu chixku, xlakata nila liminkgo lakgtaxtut» (Salmo 146:3, La Biblia Latinoamérica).

Chatum pulalina tiku tlan nalipawana

Biblia wan pi Dios lakgayawalh chatum chixku tiku tlan lipawankan, wa Jesucristo (Lucas 1:32, 33). Jesús wa Mapakgsina kxTamapakgsin Dios, akgtum Tamapakgsin nema wi kʼakgapun (Mateo 6:10).

• Kakatsini tuku xlakata tlan nalipawana Jesús chu tuku xla natlawa xlakata nalakkaxtlawa taʼakglhuwit nema titaxtuyaw. Kalikgalhtawakga artículos «¿Tiku xMapakgsina xTamapakgsin Dios?» chu «¿Tuku natlawa xTamapakgsin Dios?».