¿Tiku tlan nalipawanaw? ¿Tuku kinkawaniyan Biblia?

Lhuwa latamanin nialh katsikgo tiku tlan nakalipawankgo xlakata lu ka’akgskgawikanit. ¿Tuku xlakata nialhti kalipawankgo?

• Xlakata políticos kaj x’akstukan kalilakgaputsakan.

• Xlakata tiku mastakgo noticias ni wankgo tuku xaxlikana chu laksakpaxkinankgo.

• Xlakata científicos ni tlawakgo tuku kamakgtaya latamanin.

• Xlakata xpulalinanin takanajla lu makgtanukgo kpolítica chu ni wa lilakgaputsakgo namasiyakgo tuku xla Dios.

Watiya Biblia wan pi nitlan kalipawankan latamanin. Biblia wan:

• «Ni kakalipawantit lakchixkuwin tiku kgalhikgo limapakgsin, chu ni para atanu chixku, xlakata nila liminkgo lakgtaxtut» (Salmo 146:3).

Chatum tiku tlan nalipawanaw

 Biblia lichuwinan chatum tiku tlan nalipawanaw. Masiya pi tlan nalipawanaw Jesucristo. Jesús ni kajwatiya litaxtu chatum tlan chixku tiku latamalh makgasa. Dios laksakli xlakata «namapakgsinan [...], chu xTamapakgsin nikxni katilakgsputli» (Lucas 1:32, 33). Jesús Mapakgsina litaxtu kxTamapakgsin Dios, akgtum tamapakgsin nema la uku mapakgsinama k’akgapun (Mateo 6:10).

• Xlakata nakatsiya tuku xlakata tlan lipawankan Jesús, kalikgalhtawakga artículos «¿Tiku xMapakgsina xTamapakgsin Dios?», chu artículo «¿Tuku natlawa xTamapakgsin Dios?».