Jesús namasputu putum tuku nitlan

Jesús liwana katsi tuku tamakgkatsi akxni natlawanikana tuku nitlan. Xla limawakaka tuku ni xtlawanit, ni lakatitum lakputsananika chuna la wan limapakgsin chu makgapatinanka akxni makgnika. Maski Jesús nitu xtlawanit, xatapaxuwan makamastalh xlatamat xpalakata «nakalilakgmaxtu lhuwa latamanin» (Mateo 20:28; Juan 15:13). La uku litaxtu mapakgsina kxtamapakgsin Dios, chu nialh makgas namasputu putum tuku nitlan nema anan kxlikalanka katiyatni (Isaías 42:3).

Biblia masiya la nawan kakilhtamaku akxni Jesús namalakgsputu tuku nitlan:

• «Tiku lixkajni likatsi nialh katitawilalh; Chu naputsaya niku xwi nialhtu wi nawan. Pero tiku tlan likatsikgo wa nakamaxkikan katiyatni, chu xlikana lu lipaxuw natawilakgo» (Salmo 37:10, 11).

¿Tuku tlan natlawayaw xlakata nalimasiyayaw pi paxtikatsiniyaw Jesús xlakata tuku tlawalh chu tuku natlawa kilhtamaku nema aku mima? Pulaktum tuku tlan natlawayaw wa tlakg nakatsiniyaw xlakata «xatlan tamakatsinin xla xTamapakgsin Dios» nema xla lichuwinalh (Lucas 4:43). Kalikgalhtawakga artículo «¿Qué es el Reino de Dios?».