Watchtower BIBLIOTECA KʼINTERNET
Watchtower
BIBLIOTECA KʼINTERNET
totonaco
  • BIBLIA
  • LIKGALHTAWAKGA
  • TAMAKXTUMIT
  • gf takgalhtawakga 5 págs. 8-9
  • Xʼamigojkan Dios nalatamakgoy anta nak Paraiso

Nitu video xlakata tuku laksakti.

Kakilatapatiw, ni liwana tasiya uma video.

  • Xʼamigojkan Dios nalatamakgoy anta nak Paraiso
  • Tlan xʼamigo Dios nawana
  • Xtachuna tuku putsapat
  • «Nalaʼakxilhaw kParaíso»
    Makatsinina Lichuwinan xTamapakgsin Jehová (natalikgalhtawakga) 2018
  • ¿Tuku wanit Dios natlaway xlakata Katiyatni?
    ¿Tuku kinkaskiniyan Dios?
  • ¿Tuku lakapastaknit Dios xlakata Katiyatni?
    Lakwan tamakatsin masta Dios
Tlan xʼamigo Dios nawana
gf takgalhtawakga 5 págs. 8-9

TAKGALHTAWAKGA 5

Xʼamigojkan Dios nalatamakgoy anta nak Paraiso

Anta nak Paraiso ni katiʼanankgolh tuku anan anta nak Katiyatni xalaʼ uku. Nixtalakaskin Dios pi anta nak Katiyatni xʼanalh takglhuwit, takatsanit chu tapatin. Dios natlaway Katiyatni akgtum paraiso. ¿Lantla natlaway? kBiblia wan lantla natlaway.

Akxtum paxuwamakgo kparaíso

Xatlan latamanin. Anta nak Paraiso xputawilhkan nawan tiku xʼamigojkan Dios. Paks nalamakgtayakgoy, chu nalilatamakgoy kxaʼakgstitum xlimapakgsin Jiova (Proverbios 2:21).

Lhuwa tuku nawakan. Anta kParaiso nitiku katitsinksnilh. KBiblia wan: “Kan aktsu lichʼanat nachankan y likʼuanit nalhuwan nak kʼatʼiyatni” (Salmo 72:16, S).

Kparaíso latamanin tlawamakgo akgtum chiki, amakgapitsi mastokgmakgo taway chu chatum tse chaxnit xtsumat

Laktlan chiki chu talipaxaw taskujut. Akxni Katiyatni akgtum paraiso nawan, paks familia nakgalhikgoy xchikkan chu paks tiku nalatamakgoy nakgalhikgoy xtaskujut nema nalipaxawakgoy (Isaías 65:21-23).

Takaksni xlipaks anta nak Katiyatni. Niaj akxni katilachipaka nachuna niaj katinikgolh latamanin anta nak guerra. Xtachiwin Dios wan: “[Dios] masputu guerra” (Salmo 46:8, 9, S).

Ni katiʼanalh tajatat. Biblia malaknu: “Nitiku, kristiano [xalaʼ kParaiso], nawan: «Ktatatlay»” (Isaías 33:24, NM). Nanikatiʼanalh tiku nilay tlawankgoy, tiku ni lakawanankgoy, akgatapakgoy chu lakgkgokgo (Isaías 35:5, 6).

Niaj katiʼanalh talipuwan, takatsanit nipara linin. Xtachiwin Dios wan: “Nekxniku katitanilh, nipara tiku katitatasalh, niajtu katitalipatinalh, para takatsanajwat, porque wantu xapulh xtakgalhiy xlatamatkan y xʼanan aya wakg lakgtsankgakgonit, y niajtu anan lanchu” (Apocalipsis 21:4).

Niaj katiʼanalh latamanin tiku lixkan xtayat. Jiova malaknu: “Latamanin tiku lixkan xtayat, nakalaktukxmikan unu nak katiyatni; chu tiku akgskgawinanchipanankgoy nakapulhumakgankan” (Proverbios 2:22, NM).

Kristiano nalapaxkikgoy chu nalalakgachixkuwili. Niaj katilalaksakpaxkinanka, niaj katitalaʼakgchipamilh, naniaj katiʼanalh tiku paks xla tlawaputun, chu niaj tiku katilasitsinilh. Latamanin akgtuma talakapastakni nakgalhikgoy chu nalatamakgoy chuna lantla wi xaʼakgstitum xtiji Dios (Isaías 26:9).

    Likgalhtawakga xatotonaco (1993-2026)
    Ktaxtuputun
    Matsukikan sesión
    • totonaco
    • Matitaxtikan
    • La lakkaxwilikan
    • Copyright © 2025 Watch Tower Bible and Tract Society of Pennsylvania
    • Tuku milikatsit
    • La maklakaskinkan uma página
    • Tlan nalakgpaliya tuku tsokgwili mimpalakata
    • JW.ORG
    • Matsukikan sesión
    Matitaxtikan