KILATAMATKAN LA KSTALANINANIN CRISTO
¿Tukuya kilhtamaku tlan precursor auxiliar naklitaxtu?
Templo nema maʼakxilhnika Ezequiel masiya pi xkachikin Dios xatapaxuwan tuku xʼama masta. ¿La tlan namastayaw tamakamastan nema malanki Jehová? (Heb 13:15, 16).
Pulaktum nema tlan natlawayaw wa pi nalitaxtuyaw precursor auxiliar. Kkata 2018 anan makgapitsi papaʼ nema limin akgkitsis sábados chu domingos. Uma tlan kakitaxtuni tiku skujkgo putuminika semana chu kaj sábado chu domingo lichuwinankgo Dios. Nachuna, publicadores tlan naliskujkgo precursorado auxiliar nema kaj puxamakaw horas, papaʼ marzo chu abril, chu papaʼ akxni min superintendente de circuito.
Chu ¿komo ni matlaniyaw precursores auxiliares nalitaxtuyaw? Wi tuku tlan natlawayaw: putum naliskujaw xlakata tlakg tlan chu tlakg nalichuwinanaw Dios. Maski tsinu tuwa makgkatsiyaw, tapaxkit nema kgalhiniyaw Jehová nakinkamakgpuwantiniyan namaxkiyaw tuku tlakg xatlan uma kata 2018 (Os 14:2).
¿La tlan nakstalani xliʼakxilhtit Sabina Hernández?
KAʼAKXILHTI VIDEO «KOMO SABINA MATLANI, AKININ NACHUNA» CHU KAKGALHTI UMAKGOLH TAKGALHSKININ:
¿Tuku makgpuwantini Sabina tlakg naskujnani Jehová?
¿La makgpuwantiniyan xliʼakxilhtit Sabina?
¿Tuku papaʼ tlan naliskuja la precursor auxiliar kata 2018?