LECCIÓN 19

Kalakgchipi kxnakujkan tiku kgaxmatnimakgon

Proverbios 3:1

TUKU NATALICHUWINAN: Kakamakgtaya tiku kgaxmatnimakgon xlakaskinka naliʼakxilhkgo tuku katsinimakgo chu nalilatamakgo.

Kakamakgtaya tiku kgaxmatnimakgon xʼakstu nakaputsananikan. Katlawa takgalhskinin nema xʼakstukan naʼakxilhkgo tuku lakpuwankgo.
Kakamakgtaya pi akxni wi tuku natlawakgo chuna natlawakgo xlakata chuna xlilat. Kakawani pi kalakpuwankgolh tuku xlakata tlawakgo tuku tlan. Kakamakgtaya pi tuku natlawakgo chuna natlawakgo xlakata: paxkikgo Jehová, paxkikgo xtalatamankan chu xtamasiy Biblia. Kakamalakpuwani chu ni kajwatiya kakawani tuku xlitlawatkan. Akxni namasputuya tuku lichuwinampat, xlakan ni xlimaxanatkan, wata xlitlawat pi tlakg natlawaputunkgo tuku tlan.
Katlawa pi wa nalilakpuwankgo Jehová. Kalichuwinanti la xtamasiy, xtastakyaw chu xlimapakgsin Biblia kinkamakgtayayan nalakgapasaw Dios chu kinkamasiyaniyan pi kinkapaxkiyan. Kakamakgtaya tiku kgaxmatnimakgon nalilakpuwankgo tuku makgkatsi Jehová chu namakgapaxuwaputunkgo.

Kalakapastakti pi wa Jehová tiku kamalakatsuwi latamanin. Kamaklakaskinti xtachuwin xlakata nakamakgpuwantiniya tiku kgaxmatnimakgon.